Янгы яшлар бавлары ачылгъан

Дагъыстан Республиканы билим берив минис­терлигини прес къуллугъу билдирген маълуматлагъа гёре бизин республикада дагъы да 6 яшлар баву ачылгъан. Эсгерилген  яшлар бавларында 780 гиччипавну тарбияламагъа имканлыкълар бар.  Пайдаландырывгъа берилген яшлар бавларыны беши «Демография»  деген милли проектни болушлугъу булан ва бири Россия Федерацияны «Юрт ерлени комплекс къайдада оьсювю» деген программагъа гёре къурулгъан.

 

Янгы яшлар бавлары Къаягент юртда 250 яшгъа ери булан,  Избербаш шагьарда 100 яшгъа ери булан, Тарумовка, Къоркъмаскъала, Бургимакмахи ва Сар-Сар юртларда ачылгъан.

ДР-ни билим беривге ва илмугъа къарайгъан министри Ягьия Бучаев Къаягентде яшлар бавуну ачылывуну шатлы жыйы­нында ортакъчы­лыкъ этген. Ол янгы тарбиялав ожакъны ачылыву булан юртлуланы къутлай туруп, артдагъы йылларда билим берив ва тарбиялав ожакълар къурулуп турагъанын эсгерген ва артдагъы 3 йылны ичинде 40 янгы школа ва 57 яшлар бавлары ачылгъанын билдирген. Министрни айтывуна гёре, ачылгъан янгы яшлар бавларында гиччип­авлар учун 20 минг къошум ерлер болдурулгъан.

 

Патимат БЕКЕЕВА.

 

Авторизация
*
*
Регистрация
*
*
*
Согласны с условиями сайта?
Генерация пароля