Янгы йылгъы къутлав: Уллубий ХАНМУРЗАЕВ, Буйнакск районну башчысы.

Буйнакск районну гьюрметли ватандашлары, гьакъ юрекден сизин Янгы 2024-нчю йыл булан къутлайман. Йылны айланыву бизде этилген ишлени гьасиллерин чыгъарыв да, янгы йылда этилежек ишлени гёз алгъа тутув да болуп токътай. Оьтген йылыбызда районлуланы яшав гьалларын яхшылашдырмакъ учун къыйматлы ишлер де этилди. Тек янгы йылда этилме герек ишлерибиз де бар.

Гьар ким районну экономика даражасын оьсдюрювде оьз къошумун этип чалышды. Оьзлени къайратлы загьматы булан районлулар федерал ва республика программаларда ортакъчылыкъ этди, уьс­тюнлюклеге етишди. Юртлуланы къыйнайгъан гьар тюрлю масъалалары чечилди ва чечме етишмеген масъалаланы янгы йылда ахырына чыгъарма гёз алгъа тутулгъан.

Биригип иш гёрсек дагъы да уллу уьстюнлюклеге етишежекге инанаман. Асгер гьаракат юрюлеген бойда эр намусун кютеген, савут тагъып элин якълайгъан къоччакъ уланларыбызгъа гьакъ юрекден разилигимни ва баракалламны айтма сюемен. Оьзюбюзню ягъыбыздан биз оланы агьлюлерин тергевсюз къоймай, гьар не якъдан да кёмек этме гьазирбиз ва этебиз.

Гьар кимге де оьз ишинде уьс­тюнлюклер ёрайман. Гьар агьлюде берекетли ва насипли яшав болсун. Савлукъ булан, парахатлыкъда, бир-биревден сююнюп яшама барыбызгъа да Аллагь насип этсин!

Янгы йылыгъыз къутлу болсун!

 

Авторизация
*
*
Регистрация
*
*
*
Согласны с условиями сайта?
Генерация пароля