Алдагъы гюнлерде Хасавюрт районну Эндирей юртунда иш гёреген «Ласточка» деген яшлар бавунда сыйлы Рамазан  айда ораза тутувну шартларына багъышлангъан гьаракат оьтгерилген.

 

Эсгерилген школа чагъына етишмеген гиччипавлар тарбия­ланагъан идарада чалышагъан Инжили Зурхаева шо гьаракатны гьазирлевде ва оьтгеривде сиптечилик гёрсетген. Шону барышында гиччипавлагъа  сыйлы Рамазан айны гьар бусурман учун агьамиятлыгъы гьа­къында айтылгъан. Шону булан бирге гиччипавлар Сыйлы Къуранны бир-бир аятларын, олай да Магьаммат Пайхаммарны (аллагьисалам) алгъышлайгъан назмуланы гёнгюнден охугъан. Хасавюрт районнну билим берив управлениесини Telegram-каналында  шо гьакъда маълумат берилген.

 

Насрулла БАЙБОЛАТОВ.