«Россияны музей маршрутлары»

Магьачкъалада А.Тахо-Години атындагъы милли музейде оьтгерилген жыйында республиканы музей бирлешивюню бары да бёлюклерини ёлбашчылары ортакъчылыкъ этген. Музейни генеральный директору Пахрутдин Ма­гьамматов республика музейни филиалларыны ёлбашчылары булан гюнлюк масъалаланы арагъа салып ойлашгъан.

 

Жыйында янгы экспо­натланы Пачалыкъ каталоггъа гийиривню графиги гьакъында, «Пушкинская картагъа» гёре маданият-ярыкъландырыв программаны яшавгъа чыгъарывну, билетлер сатывну къайдаларын ёрукълашдырывну гьакъында сёз юрюлген. П. Магьамматов музей экспонатланы аманлыкъда сакълавгъа тергевню артдырма тарыкъны айтгъан.

Директорну заместители М. Халимбекова «Россияны музей маршрутлары» деген проектге Дагъыстанны музейлери де къошулуп иш гёрежекни ва шогъар гёре программа гьазирленегенни гьакъында билдирген.

Маданият-выставка центрны ёлбашчысы Жамиля Дагьирова билдирген кюйде, республиканы районларыны тарихине ва этнографиясына багъышланып болажакъ выставкалар бизин республикагъа гелеген туристлени тергевюн тартажакъ. Ерлердеги музейлени ёлбашчылары шо ишге жаваплы янашма гереклер.

 

Я. БИЙБОЛАТОВ.

СУРАТДА: жыйын юрюлеген вакъти.

 

Авторизация
*
*
Регистрация
*
*
*
Согласны с условиями сайта?
Генерация пароля