Дагъыстанны Жамият палатасы республикада ватандаш жамиятланы гьаракатына, оьтгереген ишлерине байлавлу язылгъан ва газетлерде, журналларда чыкъгъан макъалаланы «Халкъ журналист» деген ат булан конкурсун билдире. Шо конкурсда ортакъчылыкъ этип, биринчи, экинчи ва уьчюнчю ерлеге ес болгъанлагъа савгъатлар да берилежек.

 

2024-нчю йыл оьтгерилеген бу конкурсда республиканы журналистлери ва штатда тюгюл авторлар да ортакъчылыкъ этме болажакъ.

«Конкурсну билдирегенлер салагъан талапларда аслу тема яшавлукъ проектлени ватандаш жамиятлар нечик яшавгъа чыгъарагъаны булан байлавлу. Печат къурумлар конкурсгъа оьзлени бир къуллукъчусуну материалын берме бола. Конкурсгъа газетлерде ва журналларда печат этилген, телевидениеден, радиодан берилген материаллар йиберилме тарыкъ. Шолар флешкагъа языла ва Дагъыстанны Жамият палатасына йибериле.

Адреси: Магьачкъала, Ленинни атындагъы майдан, «Дослукъну уью».

Йиберилеген материал милли тиллерде язылгъан буса, орусча шону къысгъача маънасын язмакъ да талап этиле. Гелген материаллагъа конкурсну комиссиясы къаражакъ. Утгъанлар гьюрметли дипломлагъа ва багьалы савгъатлагъа ес болажакъ. ДР-ни Жамият палатасы шолагъа «Савгъатны лауреаты» деген атны да бережек.

 

Я. БИЙБОЛАТОВ