Сочи шагьардагъы «Моя Россия» деген маданият этнография центрда Дагъыстанны А.Тахо-Години атындагъы Милли музейини выставкасы ачылгъан. «Миллетлер кёп–уьлке бир. Гюнтувуш Дагъыстан» деген экспонатланы выставкасы юрюлегени бирнече йыллар бола. Къарама гелгенлени выставкагъа салынгъан экспонатлар бек тергевюн тарта.

 

Выставканы юрютеген музейни жаваплы къуллукъчусу Заира Кильдеева гел-генлеге музейни тарихини, онда салынгъан экспонатланы, Гюнтувуш Дагъыстанны миллетлерини адатлары, тарихи гьакъында къужурлу кюйде хабарлай. Музейде 200-ден де кёп экспонатлар салынгъан. Оланы бирлери буса тыш янгъа биринчилей чыгъарыла.

Бу выставка Россияны оьлчевюнде юрюлеген «Культура» деген милли проектни бир гесеги болуп токътай ва 2024-нчю йылны июл айына ерли оьтгерилежек.

 

Я. БИЙБОЛАТОВ.