Республиканская еженедельная общественно-
политическая газета «Ёлдаш» (Спутник)
Меню YOLDASH.news МаълуматларКъайгъырыш КъутлавларDAG.newsВ ДагестанеВ РоссииИнтервьюВ миреНа КавказеГлава РДНародное СобраниеПравительствоМинистерства и ведомства Муниципалитеты In memoriamНовости спортаГод культуры безопасности Выборы - 2018ЧЕ-2018 Kaspeuro2018"Времена"ИнфоблокПолитикаИсторияКультураЛюди и время НаукаНовые книгиАчыкъ сёзАналитикаЖамиятПолитика.ЭкономикаБаянлыкъДин ва яшавЖамият низамИлмуTürk dünyasi Савлукъ ЭкологияЮртлар ва юртлуларЯшёрюмлер МаълуматАнтитеррорБирев де унутулмагъан...СапарМаданиятАдабиятКультура ожакъларБилимИнчесаният Къумукъ тилКроссвордМасхараларТеатрЯнгы китапларЯшланы дюньясы Спорт ярышларЕдиноборства Развитие спортаСоревнованияФК «Анжи» МедиасфераО газетеО сайтеСМИФото дняНаши партнерыНаши спонсорыСотрудникиНаши авторыАфишаГалереяРекламаЮбилейный номер
Республиканская еженедельная общественно-
политическая газета «Ёлдаш» (Спутник)
"ЁЛДАШ" ГАЗЕТ

Югъагъан аврувлар яйылып бара


Артдагъы жумаланы ичинде ичеклерине инфекция къабунуп, югъагъан аврувлагъа тарып, гиччипавлардан уллулагъа ерли гьар гюн йимик больницагъа тюшегенлер эпсиз кёп болуп бара.


Республикадагъы инфекция аврувланы центрында чалышагъан врачлар къувун гётерип айланагъаны нечакъы заман бола. Неге тюгюл, гьар гюн шо центргъа 45-50 адам ичеклери авруп тюше.

 


Шолай къувунлу гьалны гёз алгъа тутуп, Дагъыстанны савлукъ сакълав министри Жамалутдин Гьажиибрагьимов аврувлагъа медицина якъдан не даражада кёмек этилегенин тергеп чыкъгъан. Къаттыгюн экенине де къарамайлы, савлукъ сакълавну министри оьзюню заместители Салман Агьматов булан республиканы югъагъан аврувланы центрыны ичинден айланып тергеген. Центрдагъы медицина къуллукъчулар Дагъыстанны савлукъ сакълав министрине бугюнлеге ерли ичек аврув къатнап больницагъа 300 адам тюшгенни гьакъында билдиргенлер.


Центрда бир токътамай гелеген аврувлагъа ерлер етишмейгенге, башгъа бёлюклеринден алып, къошум гьисапда койкалар салгъанлар. Савлукъ сакълав министр Жамалутдин Гьажиибрагьимов инфекция стационаргъа барып, аврувлар булан ёлугъуп, оланы савлугъуну гьалын, некъадар медицина кёмек этилегенин, дарманлар берилегенин сорап, ахтарып чыкъгъан. Аврувланы янындан врачланы уьстюнден гьеч биревден арз болмагъан.


Ондан къайры, савлугъун беклешдирмек учун аврувлагъа гьар гюн дюгю биширип берелер. Министр билдирген кюйде, тувулунгъан гьалдан сакъ болма герек. Ол гьар ким оьз тазалы­гъын болдурма, ашамлыкъланы болжалына тергев берип, ти­йишли кюйде сакълама тары­гъын, этилген ашны узакъ заман къоймай гьазиринде ашама герекни айтгъан. Ондан къайры да, министр больница бугюнге ерли артыкълыгъы булан ти­йишли дарманлар булан таъмин этилингенни эсгерген.


Дагъыстанны савлукъ сакълав министри гюндюзгю стационарны иши булан таныш болгъан. Шонда буса къаркъарасы агъуланып тюшгенлеге биринчи кёмегин этелер. Шондагъы аврувланы анализлерин алып, капельницалар салалар. Врачлар аврувну гьалы яхшылашгъанын токъташдыргъан сонг, оланы уьюне бакъдыралар. Бу больницада бары да медицина къуллукълар полис булан гьавайын этиле.


Югъагъан аврувланы яйылыву гьар гюн гьисапгъа алына ва бир жуманы ичинде эки керен Дагъыстанны савлукъ сакълав министерлигини югъагъан аврувлагъа тергев этеген бёлюгюнде республикадагъы гьалны гьакъында лакъыр юрюле, чаралар гёрюле.




Количество показов: 112
27.07.2018 12:30

Возврат к списку









AlfaSystems massmedia K3FN2SA
Рейтинг@Mail.ru Яндекс.Метрика Бесплатный анализ сайта