Республиканская еженедельная общественно-
политическая газета «Ёлдаш» (Спутник)
Меню YOLDASH.news МаълуматларКъайгъырыш КъутлавларDAG.newsНовостиИнтервьюАнонс книгIn memoriamГод культуры безопасности "Времена"ИнфоблокПолитикаИсторияКультураЛюди и время НаукаАчыкъ сёзАналитикаЖамиятПолитика.ЭкономикаБаянлыкъДин ва яшавЖамият низамИлмуTürk dünyasi Савлукъ ЭкологияЮртлар ва юртлуларЯшёрюмлер МаълуматАнтитеррорБирев де унутулмагъан...СапарМаданиятАдабиятКультура ожакъларБилимИнчесаният Къумукъ тилМасхараларТеатрЯшланы дюньясы Спорт ярышларЕдиноборства Развитие спортаСоревнованияФК «Анжи» МедиасфераО газетеО сайтеСМИВнимание! Конкурсы!Наши партнерыНаши спонсорыСотрудникиАвторыАфишаГалереяРекламаЮбилейный номер
Республиканская еженедельная общественно-
политическая газета «Ёлдаш» (Спутник)
Башмайындагъы уллу чыгъывну  тайдыргъанлар

Башмайындагъы уллу чыгъывну тайдыргъанлар

  

Пятница, 27.04.2018г. - "ЁЛДАШ".


Гюнден-гюн сайын медицина тармакъда болагъан янгылыкъланы къайсыгъыз да эслегенсиздир. Мисал учун, Дагъыстанда да врачларыбыз четим   операцияланы этме башлагъанлар.


Айтагъаным, алдагъы гюнлерде рес­публика клиника больницада 57 йыл болагъан эргишини башмайына операция этип, бир уллу шишигин тайдыргъанлар. Аврувгъа МРТ этген сонг, врачлар ону башмайында юмурукъ чакъы тез оьсеген, чинк де яман чыгъывну тапгъанлар.


Врачлар англатагъан кюйде, шо тайпа авруву булангъы адамгъа тийишли дарман этилмесе, къаркъарасы 2-3 айны ичинде ирип битип къалма бола. Докторлар ону гьалын гёргенде, бир гьасилге гелип, алгъасавлукъда операция этме уруналар. Шо къыйынлы операция бир нече сагьат узатылынгъан. Гьали ол къолайлыкъгъа барып тура. Огъар химия терапия да этилинежек.


Бу операцияны бойнуна алып, эсен-аман яшавгъа чыгъаргъан белгили нейрохирург Шамил Садыкъов шону гьакъында булай англатыв берди:


–Бу йылны январ айында аврувгъа МРТ этилинди. Шо заман ону башма­йында гьеч бир алышыныв да эслемедик, саппа-сав адам эди. Уьч айны ичинде шишик чыгъып, бир залим болуп оьсген эди. Башмайына къабунгъан талав аврув бек намарт тайпасындан гьисаплана. Гьазиринде токъташдырмагъа да бажарылмай. Неге тюгюл, шо зиянлы аврув къатнашгъанны билмеге тынч тюгюл.


Аврувлар да заманында савлугъуну гьайын этмей, врачлагъа кёп гечигип геле. Башлапгъы вакътисинде шишикни билиндиреген бир белгиси де болмай. Гечге таба адам кепсиз бола. Ошгъуву геле, къусма башлай, башы айлана, санлары къуруша. Гёзлерини гёрегени осаллашма, эси, сёзю алышына. Шо якъдан аслу гьалда 40 йылдан 60 йыллыкъ чагъына етишген эргишилеге къоркъунч­лукъ бар.


Эгер алдан берли адамны башыны такъасында авуртгъан ери, ярасы, сонг да ол даим химия веществоланы янында тургъан буса, шолар ону аврувун хозгъама бола. Олай да, ишлейген еринде топланып къоргъашын бар буса да, къаркъарасы радиация алса да, герпес вирус къабунса, шолагъа генетика аврувлары да къошулуп, адамны рак аврувгъа тарытма бола,–деп билдирди врач.  



Количество показов: 292
27.04.2018 16:45

Возврат к списку









AlfaSystems massmedia K3FN2SA
Рейтинг@Mail.ru Яндекс.Метрика Бесплатный анализ сайта