Республиканская еженедельная общественно-
политическая газета «Ёлдаш» (Спутник)
Меню YOLDASH.news МаълуматларКъайгъырыш КъутлавларDAG.newsВ ДагестанеВ РоссииИнтервьюВ миреНа КавказеГлава РДНародное СобраниеПравительствоМинистерства и ведомства Муниципалитеты In memoriamНовости спортаГод культуры безопасности Выборы - 2018ЧЕ-2018 Kaspeuro2018"Времена"ИнфоблокПолитикаИсторияКультураЛюди и время НаукаНовые книгиАчыкъ сёзАналитикаЖамиятПолитика.ЭкономикаБаянлыкъДин ва яшавЖамият низамИлмуTürk dünyasi Савлукъ ЭкологияЮртлар ва юртлуларЯшёрюмлер МаълуматАнтитеррорБирев де унутулмагъан...СапарМаданиятАдабиятКультура ожакъларБилимИнчесаният Къумукъ тилКроссвордМасхараларТеатрЯнгы китапларЯшланы дюньясы Спорт ярышларЕдиноборства Развитие спортаСоревнованияФК «Анжи» МедиасфераО газетеО сайтеСМИФото дняНаши партнерыНаши спонсорыСотрудникиНаши авторыАфишаГалереяРекламаЮбилейный номер
Республиканская еженедельная общественно-
политическая газета «Ёлдаш» (Спутник)
Магьачкъалада  онгайлыкъланы программасы

Магьачкъалада онгайлыкъланы программасы

О чарада РФ-ни Пачалыкъ Думасыны депутаты Александр Васильев, РФ-ни Пачалыкъ Думасыны депутаты, «Единая Россия» партияны советини ёлбашчысыны ярдымчысы Юрий Левицкий, ДР-ни Халкъ Жыйыныны милли аралыкълагъа, жамият ва дин бирлешивлерини ишине къарайгъан комитетини председатели, партияны регион бёлюгюню секретарыны ярдымчысы Магьамматкъади Гьасанов, ДР-ни Халкъ Жыйыныны депутаты, «Единая Россия» деген партия фракцияны ёлбашчысыны ярдымчысы Марина Котенко, ДР-ни Халкъ Жыйыныны депутаты, «Единая Россия» фракцияны члени Людмила Авшалумова, «Единая Россия» партияны регион исполкомуну ёлбашчысыны борчларын кютеген Магьаммат Магьамматов, «Магьачкъала шагьар» округну администрациясыны башчысыны ярдымчысы Запир Алхасов ортакъчылыкъ этдилер.


Ёлугъувда шагьарны абзарларын яхшы этип онгармакъны, шагьарда онгайлыкълар болдурма герекни гьакъында лакъыр юрюлдю. Шагьарны кёп квартирлерли уьйлерини абзарларындагъы гьал шагьарда яшайгъан миллион халкъны пайдасын якълама герек. Шогьар гёре де «Единая Россия» деген партия учун кёп адамлар яшайгъан уьйлени гьалы агьамиятлы масъаласы болуп токътай.

РФ-ни Пачалыкъ Думасыны депутаты айтгъан кюйде, «Единая Россия» деген партия «Шагьар ерде» деген проектни яшавгъа чыгъарывлывун Дагъыстандан башлама сюе. Шагьар администрациясыны башчысыны ярдымчысы Запир Алхасов ва Магьачкъала шагьарны баш архитектору Магьамматрасул Гьитинов булан бирликде ол шагьарны орамларына, Ленинчи комсомол деген паркгъа, Кировну атындагъы, Родоп бульваргъа ва шагьарны пляжына къарагъанлар.

2017-нчи йылгъы федерал бюджетден шагьарны яхшылашдырмакъ, онгайлы гьалгъа салмакъ учун 650 миллион манат гёрсетилген. «Уьйлеге ремонт этмек, орамланы янгыртмакъ, абзарлагъа асфальт салмакъ, олтурагъан скамейкалар этмек, уьйлени подъездлерине ярыкълар салмакъ гёз алгъа тутулгъан. Ишлер юрюлегенде шагьарлыланы пикрусу гьисапгъа алынажакъ», – деген федерал проектни координатору Александр Васильев.

РФ-ни Пачалыкъ Думасыны депутаты Юрий Левицкий Александр Васильевге Дагъыстангъа гелмеклиги саялы баракалла билдирген. Дагъыстанлылар «Единая Россия» этеген кёмекге разилигин билдирегенни гьакъында айтгъан. «Шагьарлылар яшлары булан абзарда айланма, уьйлерини къырыйында яшлар ойнайгъан майданчалар болгъанны сюелер. «Единая Россия» партияны Оьр Советини члени, Дагъыстан Республиканы Башчысы Рамазан Абдулатипов ва ДР-ни Халкъ Жыйыныны Председатели Хизри Шихсайитов Дагъыстан учун этилеген янгылыкълагъа яхшы гёзден къарай, айрокъда бу проектни яшавгъа чыгъарылывуна. Шо ишни яшавгъа чыгъармакъ учун шагьарда яшайгъан ватандашланы актив ортакъчылыгъы тарыкъ», – деген Ю.Левицкий.

Магьачкъала шагьарны башчысыны ярдымчысы Запир Алхасов эсгерилген партия проектни яшавгъа чыгъара туруп, тахшагьарыбызны 106 абзары янгыртылажакъны, шагьарны парк зонасы яхшылашдырылажакъны гьакъында айтгъан.


Сулейман Хаппалаев.

Количество показов: 966
30.03.2017 15:06

Возврат к списку









AlfaSystems massmedia K3FN2SA
Рейтинг@Mail.ru Яндекс.Метрика Бесплатный анализ сайта