Республиканская еженедельная общественно-
политическая газета «Ёлдаш» (Спутник)
Меню YOLDASH.news МаълуматларКъайгъырыш КъутлавларDAG.newsВ ДагестанеВ РоссииИнтервьюВ миреНа КавказеГлава РДНародное СобраниеПравительствоМинистерства и ведомства Муниципалитеты In memoriamНовости спортаГод культуры безопасности Выборы - 2018ЧЕ-2018 Kaspeuro2018"Времена"ИнфоблокПолитикаИсторияКультураЛюди и время НаукаНовые книгиАчыкъ сёзАналитикаЖамиятПолитика.ЭкономикаБаянлыкъДин ва яшавЖамият низамИлмуTürk dünyasi Савлукъ ЭкологияЮртлар ва юртлуларЯшёрюмлер МаълуматАнтитеррорБирев де унутулмагъан...СапарМаданиятАдабиятКультура ожакъларБилимИнчесаният Къумукъ тилКроссвордМасхараларТеатрЯнгы китапларЯшланы дюньясы Спорт ярышларЕдиноборства Развитие спортаСоревнованияФК «Анжи» МедиасфераО газетеО сайтеСМИФото дняНаши партнерыНаши спонсорыСотрудникиНаши авторыАфишаГалереяРекламаЮбилейный номер
Республиканская еженедельная общественно-
политическая газета «Ёлдаш» (Спутник)
"ЁЛДАШ" ГАЗЕТ

«Янгы индустриализация» – агьамиятлы проект

Жыйында CYA деген компанияны эксперт группасыны ёлбашчысы Болат Столяров, ДР-ни промышленностгъа ва энергетикагъа къарайгъан министрини къуллугъун кютеген Къазбек Къандавуров, «Концерн «КЭМЗ» деген жамиятны директору Ибрагьим Агьматов, «Авиаагрегат» деген жамиятны директорларыны советини председатели Сайпула Пирилов, «Азимут» деген акционер жамиятны директорларыны советини председатели Шамил Зайналов ва оьзгелер ортакъчылыкъ этдилер.
Вице-премьер эсгерген кюйде, «Новая индустриализация – республиканы промышленностуну оьсювюн, предприятиелени инновация оьсювюн, янгы производстволаны къурув ва иш ерлер болдурув йимик темаланы къуршайгъан лап да агьамиятлы проект. Гьалиге ерли шо ишде уьстюнлюклер де бар. Такъта шиша чыгъарагъан Каспийск завод ишге салынгъан. Абусупиян Хархаровну сёзлерине гёре, булай производство Темиркъазыкъ Кавказда тезден берли ёкъ эди. Оборон заказны артдырывда да уьстюнлюклер гьис этиле. Шону оьлчевю – 2,4 миллиард манат. Шо Дагъыстанны предприятиелеринде, хасокъда «Дагдизель» заводда яшавгъа чы­гъарылажакъ. Республиканы ёлбашчыларыны, айрыча айтгъанда, Дагъыстанны башчысыны гьаракат этивюню натижасында Россияны оборона министерлиги булан дыгъар байламагъа бажарылгъан.
Промышленностну ва илму-техника инновация оьсювню программасы онгарылгъан. Бугюн «ДагЗЭТО», «КЭМЗ» заводлар ва оьзгелери модернлешдириле.
Дагъыстанны предприятиелеринде пачалыкъ (республика ва муниципал) заказлар булан байлавлу масъалалагъа айрыча тергев берилме герек. Промышленностну министерлигини маълуматларына гёре бу йыл пачалыкъ заказ – 53 миллион манат. Республиканы предприятиелери яшавгъа чыгъарма болагъан пачалыкъ заказ бир нече керен артыкъ – 220 миллион манат. Абусупиян Хархаров эсгерген кюйде, республиканы идаралары ва къурумлары талап этмеге болагъан продукция буса 1 миллиарддан да артыкъ.
Шо ишге янгыдан къурулгъан ДР-де пачалыкъны янындан берилеген заказланы ишин юрютеген комитетни де къуршамагъа герек деп де айтыла.
Жыйында Дагъыстан Республиканы территориясында ГЭС-лер къурувну (Анди къойсувда, Авар къойсувда ва Къара къойсувда) «РусГидро» жамиятны программасына къошмакъны гьакъындагъы масъала да ойлашылгъан. Бу масъалада, А.Хархаровну пикрусуна гёре, бизнес-проект форматгъа гёчмеге герек. Демек, янгыз бюджет маяланы гёз алгъа тутуп къоймай, айры-айры инвесторланы да къуршамагъа герек. Шолай сынав, Къазбек Къаннавуров айтгъан кюйде, гиччи ГЭС-лер къурувну планына да къошулгъан.
Арагъа салып ойлашывну жамын чыгъара туруп, эксперт группаны ёлбашчысы Болат Столяров эсгерген кюйде, республиканы промышленный политикасын исбатлайгъан формула ёкъ: «Биз бары да зат булан бир заманны ичинде машгъул болабыз. Биз, масала, бир нече предприятиени айырып, шолагъа заказлар бермеге герекбиз».
Жыйынны ахырында гьасил чыгъарагъан къарар къабул этилинди.

ДР-ни Президентини ва Гьукуматыны прес-къуллугъу.
Количество показов: 592
15.11.2013 13:59

Возврат к списку









AlfaSystems massmedia K3FN2SA
Рейтинг@Mail.ru Яндекс.Метрика Бесплатный анализ сайта