Республиканская еженедельная общественно-
политическая газета «Ёлдаш» (Спутник)
Меню YOLDASH.news МаълуматларКъайгъырыш КъутлавларDAG.newsВ ДагестанеВ РоссииИнтервьюВ миреНа КавказеГлава РДНародное СобраниеПравительствоМинистерства и ведомства Муниципалитеты In memoriamНовости спортаГод культуры безопасности Выборы - 2018ЧЕ-2018 Kaspeuro2018"Времена"ИнфоблокПолитикаИсторияКультураЛюди и время НаукаНовые книгиАчыкъ сёзАналитикаЖамиятПолитика.ЭкономикаБаянлыкъДин ва яшавЖамият низамИлмуTürk dünyasi Савлукъ ЭкологияЮртлар ва юртлуларЯшёрюмлер МаълуматАнтитеррорБирев де унутулмагъан...СапарМаданиятАдабиятКультура ожакъларБилимИнчесаният Къумукъ тилКроссвордМасхараларТеатрЯнгы китапларЯшланы дюньясы Спорт ярышларЕдиноборства Развитие спортаСоревнованияФК «Анжи» МедиасфераО газетеО сайтеСМИФото дняНаши партнерыНаши спонсорыСотрудникиНаши авторыАфишаГалереяРекламаЮбилейный номер
Республиканская еженедельная общественно-
политическая газета «Ёлдаш» (Спутник)
Инг бажарывлу клас ёлбашчы

Инг бажарывлу клас ёлбашчы

Шолай адамлардан бири Къарабудагъгент гимназияда гьисап дарсланы юрютеген оьр даражалы муаллим Зарема Мурзаевна Исмайылова да дюр. Ол 1970-нчи йылда бютюн Къарабудагъгент районгъа аты белгили, яшавун яшлагъа билим беривге багъышлагъан Мурза Адилханович Мурзаевни агьлюсюнде тувгъан.
Яш чагъындан тутуп, оьзю танглагъан муаллим касбугъа ес болма сююп, орта школаны оьр къыйматлагъа битдирип, Зарема Мурзаевна Дагъыстан педагогика университетини математика факультетине охума тюше. Оьр охув ожакъны да тамамлагъан сонг, оьзюню кёп сюйген касбусунда чалышма башлай. Зареманы биринчи абатлары оьзю битдирген школада алынгъан. Сонг, йылдан-йылгъа сынав топлай туруп, яшав шартларына гёре ол Къарабудагъгент гимназияда ишлемеге башлай.
Жагьил муаллимге касбусуна гёре профиль класларда ишлемеге тапшура. Иш ёлдашларыны инамлыгъын тас этмес учун, Зарема Мурзаевна шо класлардагъы яшлагъа терен, мугькам билим бермек мурат булан чалышып тура.
Оьзюню ишинде муаллим янгы билим берив ва тарбиялав къайдаларын, компьютер технологияланы уьстюнлю кюйде къоллай. Зарема Мурзаевна охувчу яшланы дарсдан тышдагъы гьаракатгъа да къуршай. Муаллимни охувчулары ол юрютген къошум дарсларда ЕГЭ-де ёлу­гъагъан четим масъалаланы чечмеге уьйрене. Шо саялы да З. Исмайылованы охувчулары ЕГЭ-ни гьасиллерине гёре оьр къыйматлар ала ва гьар йыл район олимпиадаларда алдынлы ерлеге ес бола.
Бары халкъгъа белгили кюйде, школада уьйретив къайдалар тарбиялавдан айры юрюлмеге ярамай. Шолай болса, гележек наслуну къысматын къолдан чыгъарып къоймагъа имканлыкъ бар. Шогъар теренден тюшюнген Зарема Мурзаевна, оьзюню ишинде уьйретив къайдаларын камиллешдире туруп, тарбиялавну агьамиятын артгъа теберип къоймай. Муаллим ойлашагъан кюйде, тарбиялавсуз уьйретив пайдалы натижалар гелтирмей.
Дарс береген яшларына оьзю де уьлгю болуп, Зарема Мурзаевна гьар береген дарсында тарбиялав муратны унутмай. Муаллим оьзю къургъан тарбиялав программагъа гёре гьар дарсында охувчулагъа билимден къайры, яшав дарслар да бере туруп чалыша. Зарема Мурзаевна яшлагъа оьзлени гележегинде Ватангъа пайдалы яшав къурмагъа уьйрете. Ону охувчулары да оьр охув ожакълагъа тюшюп, уьстюнлю кюйде охуй.
Оьзюню гёрмекли натижалагъа етишдирген бай сынавун Зарема Мурзаевна кёп гьисапдагъы ачыкъ дарсларда, мас­тер-класларда, ачыкъ клас сагьатларда аян этген. Ол гьар йыл район оьлчевде гимназияда оьтгерилеген семинарларда докладлары булан ортакъчылыкъ этген, Къарабудагъгент районну математикадан дарс беривчюлерини алдында ачыкъ дарслар юрютген.
Бу охув йылда буса оьзюню тарбиялав тармакъдагъы бай сынавун тасдыкъ этмек муратда Зарема Мурзаевна район оьлчевде оьтгерилеген «Инг бажарывлу клас ёлбашчы» деген конкурсда ортакъчылыкъ этди. Муаллимни конкурсну шартларына гёре аналаны гюнюне багъышлангъан уьлгюлю клас сагьатына бары да ортакъчылар ва жюри оьр багьа берди. Зарема Мурзаевна Исмайылова конкурсда биринчи ерни алып, Къарабудагъгент районда «Инг бажарывлу клас ёлбашчы» деген атгъа ес болду. Ол узакъ къалмай оьтгерилежек республика конкурсда да ортакъчылыкъ этежек. Оьтген йылда З. Исмайылова оьзю­ню иш уьстюнлюклери учун «Россия Федерацияны билим берив тармагъыны гьюрметли къуллукъчусу» деген атгъа ес болгъанлыгъы бизин де бек сююндюрдю.
Биз пагьмулу муаллимге гьалиги девюрде бек къыйын, тек абурлу ишинде гележекде дагъы да уьстюнлюклеге етишмекни ёрайбыз.

Ругьаният Мусаева,
Къарабудагъгентдеги гимназияны ёлбашчысыны илму-методика ишлеге къарайгъан орунбасары, филология илмуланы кандидаты.
Количество показов: 421
04.04.2014 13:58

Возврат к списку









AlfaSystems massmedia K3FN2SA
Рейтинг@Mail.ru Яндекс.Метрика Бесплатный анализ сайта