Республиканская еженедельная общественно-
политическая газета «Ёлдаш» (Спутник)
Меню YOLDASH.news МаълуматларКъайгъырыш КъутлавларDAG.newsВ ДагестанеВ РоссииИнтервьюВ миреНа КавказеГлава РДНародное СобраниеПравительствоМинистерства и ведомства Муниципалитеты In memoriamНовости спортаГод культуры безопасности Выборы - 2018ЧЕ-2018 Kaspeuro2018"Времена"ИнфоблокПолитикаИсторияКультураЛюди и время НаукаНовые книгиАчыкъ сёзАналитикаЖамиятПолитика.ЭкономикаБаянлыкъДин ва яшавЖамият низамИлмуTürk dünyasi Савлукъ ЭкологияЮртлар ва юртлуларЯшёрюмлер МаълуматАнтитеррорБирев де унутулмагъан...СапарМаданиятАдабиятКультура ожакъларБилимИнчесаният Къумукъ тилКроссвордМасхараларТеатрЯнгы китапларЯшланы дюньясы Спорт ярышларЕдиноборства Развитие спортаСоревнованияФК «Анжи» МедиасфераО газетеО сайтеСМИФото дняНаши партнерыНаши спонсорыСотрудникиНаши авторыАфишаГалереяРекламаЮбилейный номер
Республиканская еженедельная общественно-
политическая газета «Ёлдаш» (Спутник)
Президентни май айгъы указлары неге яшавгъа чыкъмай?

Президентни май айгъы указлары неге яшавгъа чыкъмай?

  15-нчи январда Магьачкъалада Бютюнроссия халкъ фронтну Дагъыстандагъы бёлюгюню (Регионального штаба Общероссийского общественного движения «Народный фронт «За Россию» в республике Дагестан- ОНФ в РД) генглешген жы­йыны оьтгерилди. Жыйынны эсгерилген бёлюкню сопредседатели, Пачалыкъ Думаны депутаты Умахан Умаханов юрютдю. Жыйынны ишинде Дагъыстанны Жамият палатасыны ва Тамазаланы советини вакиллери де ортакъчылыкъ этдилер.

Умахан Умаханов бу гезик арагъа эки масъала салды, шондан аслусу деп биринчи масъаланы гьисаплайман. Ол айтагъан кюйде, Халкъ фронт оьзюню ишин башгъа жамият къурумлар булан байлавлукъда юрюте, шону учун да оланы вакиллерин шу жыйынгъа ча­къыргъан.


– 2011-нчи йыл май айда Россияны Президенти Владимир Путинни сиптечилиги булан къурулгъан Бутюнроссия халкъ фронт аслу гьалда ону указлары яшавгъа нечик чыгъагъанын тергей, – дей У.Умаханов.  –Шоланы арасындан да биз аслу деп коррупциягъа къаршы ишлени,  пачалыкъ гьукумат адамланы яшав гьалын яхшылашдырма гёрсетген харжлар пайдалы къолланагъанны тергейбиз.


Шолай да, бизин бёлюк агьамиятлы (аслу) проектлени юрюлеген кююн де тергей. Шолар – «Чёп тёгеген ерлени карталары», «Ёл инспекция – бузулгъан ёлланы картасы», «Шагьарда ял алма онгайлы ерлени болдурув», «Яшлагъа тенг онгайлыкълар болдурмакъ» ва башгъалары. Биз оьтген йылда кёп адамлар булан ёлукъдукъ ва оланы арзаларын къабул этдик.


2017-нчи йылда программагъа гирген шагьарлардагъы 112 уллу уьйлени янгыз 48-ини айланасы онгарылгъан. Халкъ фронтну Дагъыстан бёлюгюню сиптечилиги булан Хасавюрт, Къызылюрт, Къызлар ва Южно-Сухокумск шагьарларда шоларда яшайгъанланы сёзлерине тынглап, уллу уьйлени 24 абзары онгарылды.  Биз Интернетде онгсуз ва бузулгъан ёлланы суратларын салма болагъан сайт къургъан эдик, шонда адамлар 482 ёлланы ва орамланы салды. Къызлар шагьардан 201 ва Магьачкъалада 118 ёл ва орам бар эди.  ОНФ-ни къасты булан шоланы 23-ю ярашдырылды,


Умахан Умаханов ихтиярсыз къурулгъан 128 чёп тёгеген ерни 34-вю ябулгъанны да эсгерди. Гьали де Тарумов, Хасавюрт ва Ногъай районларда кёп иш этме гереклигин  айтды.


У.Умаханов эсги уьйлерден янгыларына гёчюв программа да республикада акъсакълайгъанны, акъча къошуп уьй къурдурагъан 2 минг адам алдангъанны гьакъында да айтды. Шо масъалалар Президентни къаравуну тюбюнде экенни эсгерди.


Артдагъы йылларда ичеген сув масъалагъа, аслу гьалда ону сан янына тергев артып тура. Тергевлер гёрсетеген кюйде, Къызлар, Тарумов, Бабаюрт, Хасавюрт, Ногъай районларда, Магьачкъала, Къызлар ва Южно-Сухокумск шагьарларда,  Ленингент, Шамхал, Семендер, Красноармейск посёлокларда сув тарыкъ даражада тюгюл. ОНФ-ни экспертлери айтагъан кюйде, сув артезианланы айланалары ябулмагъан, шолардагъы сувларда мышьяк 2-5 керен артыкъ. Депутат шолай да Самур ва Элтав ­агъачлыкъланы, Акъ кёл, Турали, оьзенлени, Магьачкъала шагьарны яшыллыгъы ва экологиясы гьакъында да айтды. Эгер де  шагьарда яшыллыкъ 40 процент ерни бийлеме герек эди буса, гьали 6 процент ерде тюгюл ёкъ.


Эсгерилген масъалалар  Дагъыстанны башчысыны борч­ларын заманлыкъгъа кютеген В.Васильевге ва Россияны Президенти В.Путинге де етишдирилген. Шолай да, ол савлукъ сакълавну, 3 сменлик охувланы гьакъында да лакъыр этди. Къарарланы кютме герек, тек четимлик этеген ва кютме алгъасамайгъан гьакимлер барысы да ишден азат болма гереклиги де арагъа салынды.


Ондан сонг сёйлегенлер де кёп кемчиликлени эсгерди ва не четимликлер булан ёлугъагъанны айтды.


Гележек жыйында  гётерилген масъалалар нечик чечилгенине дагъы да къаралажакъ.



Количество показов: 383
19.01.2018 00:00

Возврат к списку









AlfaSystems massmedia K3FN2SA
Рейтинг@Mail.ru Яндекс.Метрика Бесплатный анализ сайта