Республиканская еженедельная общественно-
политическая газета «Елдаш» (Спутник)
Меню DAG.news БЛОГОСФЕРА "ВРЕМЕНА" ПОЛИТИКА ЭКОНОМИКА ОБЩЕСТВО СПОРТ
Республиканская еженедельная общественно-политическая газета «Елдаш» (Спутник)

Гьасиллер чыгъарылды, борчлар белгиленди




– Къаягент районну экономикасын белгилейген аслу тармакъларда оьтген йыл къолда этилинген натижалар яман болмады, – деген Магьамматэмин Нуритдинович. – Дагъысын айтмагъанда, бизин районда алда йимик гьали де савлай республикабызда оьсдюрюлеген юзюмню уьчден бир пайы болдурула.  

Бизин республикабызда 2015-нчи йыл Бавчулукъну йылы деп белгиленген. О саялы да язбашда ва гюзде бавланы, юзюмлюклени майданларын бир къадар генглешдирмеге тюшежек. Шону булан янаша арт вакътилерде теплицаларда гьар тюрлю овощланы оьсдюрювге де тергев гючлене барагъаны гьакъда айрыча разилик булан эсгермеге сюемен. Озокъда, шону булан дазулунмайлы, гележекде ашлыкълар оьсдюрюв тармакъ булан бирче гьайванчылыкъны янгыртывгъа да тергев артажакъ. Шо гьакъда айта туруп, районну башчысы жыйынны ортакъчыларына «Агропромышленный тармакъны асувлугъу учун» деген милли борчну талапларын гьисапгъа алып, пачалыкъны, айрыча адамланы ва къурумланы акъча маяларын пайдаландырывгъа тергев къолай болажагъы гьакъда эсгерген.

Йылны гьасиллерин чыгъарывгъа байлавлу болуп оьтгерилген жыйында райондагъы юрт администрацияланы, пачалыкъ ва жамият къурумланы, юрт хозяйство предприятиелени ва бюджет идараланы башчылары, касбучулар ва загьматчылар ортакъчылыгъын болдургъан.

            Белгили болгъан кююнде, шонда районну халкъ хозяйствосуну гьар тюрлю тармакъларында чалышагъан лап да лайыкълы ва бажарывлу касбучулагъа, загьматчылагъа «Йылны адамы» деген гьюрметлев ат берилген.

Жыйынны ахырында райондагъы чебер иш гёреген коллективлер, къужурлу йырлары ва бийив­лери булан сагьнагъа чыгъып, къаравчуланы разилигин къазангъан.

 

 

Къаягент районну

прес-къуллугъу.


Количество показов: 240
16.01.2015 13:08
|
Рейтинг ()

Возврат к списку




   МЫ В СОЦИАЛЬНЫХ СЕТЯХ:




















































         


AlfaSystems massmedia K3FN2SA