Республиканская еженедельная общественно-
политическая газета «Ёлдаш» (Спутник)
Меню YOLDASH.news МаълуматларКъайгъырыш КъутлавларDAG.newsНовостиИнтервьюАнонс книгIn memoriamГод культуры безопасности Нацпроекты в РДПамятные датыТеатры и кино"Времена"ИнфоблокПолитикаИсторияКультураЛюди и время НаукаАчыкъ сёзАналитикаЖамиятПолитика.ЭкономикаБаянлыкъДин ва яшавЖамият низамИлмуTürk dünyasi Савлукъ ЭкологияЮртлар ва юртлуларЯшёрюмлер МаълуматАнтитеррорБирев де унутулмагъан...СапарМаданиятАдабиятКультура ожакъларБилимИнчесаният Къумукъ тилМасхараларТеатрЯшланы дюньясы Спорт Единоборства Развитие спортаФК «Анжи» СоревнованияМедиасфераО газетеО сайтеСМИ БАННЕРЫ Наши партнерыНаши спонсорыСотрудникиАвторыАфишаГалереяРекламаЮбилейный номер
Республиканская еженедельная общественно-
политическая газета «Ёлдаш» (Спутник)

Адиллик уьст болду деп къояйыкъмы?

Адиллик уьст болду деп къояйыкъмы?


Артдагъы гюнлер Россияны Федерация Советинде болгъан агьвалат дюнья маълумат къуралланы биринчи бетлеринден таймай. Парламентни оьр палатасыны жыйыны юрюлюп турагъан вакътиде аманлыкъны къоруйгъан къурумлар Советге Къарачай-Чергес республикадан сайлангъан Рауф Арашуковну тутгъан.


Шо гюнокъ «Газпромну» тюрлю жаваплы къуллукъларында кёп заманлар ишлеп гелген ону атасы Рауль Арашуков да тутулгъан. Олагъа салынагъан айыплавлар дурус болуп чыкъса, (жинаятчы гюпню къурув, адам оьлтюрюв, пачалыкъгъа 30 миллиард манатны оьлчевюнде зарал гелтирив) ата ва улан хыйлы йыллагъа эркинликден магьрюм этилме бола.


Бу агьвалатны Дагъыстан булан да тувра байлавлугъу бар. Прокуратурада токъташдырагъан кюйде, оьрде эсгерилип гетген чакъы акъчаны аслам пайы, ачыкъ этип айтгъанда, 27 миллиард манаты бизин республикада урлангъан. 2011-нчи йылда Рауль Арашуков «Газпром межрегионгаз Пятигорск» деген къурумну башчысы гьисапда оьзюню Москвадагъы байлавлукълары булан пайдаланып, Дагъыстанны табии ягъарлыкъ газ булан таъмин этивню масъаласын оьз ихтиярына алгъан. Шо вакътиден тутуп газны эркин кюйде урлавлар башлана, ватандашланы газ предприятиелени алдындагъы борчлары ёкъ ерден артма башлай. Керпич ва нап заводлар, гьар тюрлю цехлер, ресторанлар ва банкет заллар къоллагъан ягъарлыкъны гьагъын тувра газчыланы къолуна бере болгъан. Сонг шо акъча топланып, Пятигорскиге етишдириле. Шону булан тувулунагъан борчланы ахырда тенг этип, барын да ватандашланы арасында пайлай болгъан.


Арашуковланы хабары арагъа чыкъгъан сонг, бирдагъы бир затны эсгермей къойма ярамай. 2014-нчю йылны январ айында Москвада «Внуково» аэропортда ФСБ-ни къуллукъчулары Дагъыстанны о замангъы вице-премьери Магьамматгьюсен Насрутдиновну тутгъанлыкъда Рауль Арашуковну «къошуму да» болгъан деген ёравлар бар. Белгили кюйде, Арашуковланы ювукъ къардашы Генеральный прокуратурада уллу къуллукъда ишлей. Шо гюн М.Насрутдиновну Россияны Гьукуматыны генгешинде Дагъыстанны газ булан таъмин этивде болуп турагъан пакарсызлыкъланы гьакъында доклад этмеге хыялы болгъан. Гечге таба, Магьамматгьюсенге суд юрюлегенде, мен де шо доклад булан таныш болдум. Эгер де онда эсгерилеген маълуматлар аян этилген болгъан буса, Рауль Арашуковгъа гьали тюгюл, о заманда да законну алдында жавап бермеге тюшер эди. Тек 2016-нчы йылда Дагъыстанны Оьр суду уручуну, тонавчуну туснакъны ичине тыгъагъанны орнунда, гюнагьсыз, гьалал ишлеп турагъан адамны такъсырлай.


Эсимде бар, судда М.Насрутдиновгъа ахырынчы сёз берилгенде, судья гьаман сайын ону сёйлевюн бёлме къарай эди. Законну атындан тёре гесме олтургъан адам адилсиз, терс гьукму чыгъаргъанны оьзю де бек яхшы англай эди.


Ата-улан дегенде, эки де агьлюню тенглешдирип къарасакъ, ойлашма, бир тюрлю гьасиллер чыгъарма зат бар. Магьамматгьюсенни атасы Насрутдин – пагьмулу ёлбашчы, пачалыкъ чалышывчу, бютюн оьмюрюн дагъыстанлыланы табии ягъарлыкъ газ булан таъмин этивге багъышлагъан, аты данггъа айтылгъан асил адам. Ат туягъын тай басар дегенлей, уланы да атасыны сыйлы ишин узатгъан. Загьмат ёлун простой ишчиден башлап, республиканы вице-премьерине ерли гётерилген. Эки оьр охув ожакъны битдирген.


Арашуковланы айтсакъ, уллусу Рауль совет заманларда уру саялы судну къарары булан эки керен такъсырлангъан. Уллу пачалыкъ тозулгъанда Москвадагъы къардашыны кёмеги булан «Газпромгъа» ишге тюшген. Янгы еринде де алдагъы терс хасиятларын къоймагъан, бары да гючюн, къастын законсуз кюйде байынывгъа бакъдыргъан. Уланы Рауфгъа янгы 17 йыл битгенде ону «Ставропольрегионгаз» къурумгъа бёлюкню начальниги этип сала. Арадан бир йыл гетип, Рауф Арашуков Ставрополь шагьар думагъа депутат этилип сайлана. 21 йыл болагъанда ону Къарачай-Чергес рес­публиканы министри этип белгилейлер. 25 йыллыкъ ча­гъында ол республиканы Халкъ Жыйыныны депутаты бола. Шонда да ол узакъ олтурмай. Бир йылдан вице-премьер­ни къуллугъуна ерли гётериле. Лап артда оьзюне янгы 30 йыл битгенде Россияны Федерация Советине сайлана.


Гьали сама адиллик уьст болду деп рагьатланма да яражакъ эди. Рауль Арашуковгъа урлангъан акъча саялы судну алдында жавап берме тюшежек. Рауф Арашуков буса эки адамны оьлтюрювде ортакъчылыкъ этген деп айыплана. Олар чы такъсырланар бугъай. Тек гюнагьсыз адамны ялаябывлар булан 5 йылгъа эркинликден магьрюм этгенлер ягъада къалажакъмы?



Количество показов: 207
Автор: YOLDASH.news
08.02.2019 10:35
Подписывайтесь на канал yoldash.ru в

Возврат к списку


Добавить комментарий

AlfaSystems massmedia K3FN2SA
Рейтинг@Mail.ru Яндекс.Метрика Бесплатный анализ сайта