Алдагъы гюнлерде Буйнакск районну Тёбен Жюнгютей юртундагъы школасында «Савлукъну гюню» деген гьаракат оьтгерилген.
Охувчу яшлар дарслардан эркин этилип, сав гюнню узагъында Буйнакск районну 100 йыллыгъына багъышланып оьтгерилеген гьар тюрлю спорт ярышларда, уллу иштагьлыкъ булан ортакъчылыкъ этген. Буйнакск районну билим берив управлениеси билдирегени йимик, охувчуланы арасында дослукъ, къурдашлыкъ аралыкъланы болдуруп, физкультура булан машгъул болмагъа къуршамакъдан къайры да, оланы жанлы ва санлы яшав юрютювге иштагьландырмакъ учун оьтгерилген шо гьаракатны алдына салынгъан аслу борчлардан болгъан.
Насрулла БАЙБОЛАТОВ.
