Дагъыстанны Башчысы генерал-полковник Сергей Меликов ва Россия Федерацияны милли гвардиясыны Темиркъазыкъ-Кавказ округдагъы командующийи генерал-полковник Сергей Захаров асгер борчун кютегенде жанын бергенлени агьлюлерине оланы савгъатларын тапшурду. Башлап олар оьлгенлени суратларыны алдына гюллер салдылар.
–Биз бугюн асгер борчун кюте туруп жанын берген ва давдан къайтмай къалгъанланы гьюрметин этебиз, – деди Сергей Меликов. – Сизин адамларыгъыз борчун намуслу кюйде кютген, сизин къайгъыгъыз – бизин къайгъыбыз. Дав агьвалатларда уланын, атасын, эрлерин тас этгенлер даим де бизин тергевюбюзню тюбюнде туражакъны бирдагъы да айтма сюемен. Тартынмагъыз, айтыгъыз, сизин масъалаларыгъыз – гьали бизин масъалаларыбыз. Биз сизин буланбыз.
–Биз не сёзлер айтсакъ да, яшлагъа аталарын, къатынларына эрлерин, ата-анагъа уланларын къайтарма, оланы орнун тутма болмас, – дей генерал-полковник Сергей Захаров. – Олар игитлик гёрсетип, Ватанны миллетчилерден къоруп жанын берген. Инаныгъыз. Олар барысы да –игитлер. Гьюрметли ата-аналар, шолай намуслу ва игит кюйде Ватанны якълавчуларын тарбиялагъан учун мен сизге гьакъ юрекден баракалламны билдиремен.
Ёлугъувну ахырында Сергей Захаров ва Сергей Меликов гечинген асгерчилени ата-аналарына ва ювукъ къардашларына «Къоччакълыкъ» деген пачалыкъ савгъатланы тапшурду.
