Ерли колхозну бинасы да, маданият къаласы да бир-бирине къаршы токътагъан, тек жыйылгъанлагъа не онда, не мунда гирип олтуруп, оьзлени масъаласына гёре гьакълашмагъа ер табылмады. Неге тюгюл, онда да, мунда да эшиклер бегетилген эди. Ачгъычланы артындан баргъанлар да болду, тек эшиклер ачылмады, жыйылгъанлар дагъы сонгугюн гележекге сёйлешдилер.
Буйнакск районда тюгюл, савлай Дагъыстанда да лап уллу юртланы бири Тёбен Къазанышда токъсанынчы йылланы башындан берли, халкъны яшавун яхшылашдырагъан ишлеге тергев осал экенден къайры, жамият арада халкъны бир-бирине оьч этеген, бир-бири булан эришдиреген шартлар да болмай къалмай. Олардан биринчиси – уллу ва бай колхоз тозулгъаны, талангъаны. Тозулду дегенде, колхоз оьзюню аты да булан печаты болса тюгюл эсе, не авлакъларында, не де конторунда сакъланмагъан. Кёп санавдагъы къара тувар, къой сиривлер, техника, оьзге байлыкълары битгенде, ону топуракълары да ессиз къалды. Таныш-билишлик, урушбатчылыкъ, гьакимлени сутурлугъу, кёп тезден берли де, Къазанышны уллу къазанына мишикдей чомула-чомула туруп, берекетин сакълама къоймады. Бары да кемчиликлени айта турсакъ, тез арада битмежек сёз болур эди.
Янгы къурулагъан жамият къурумну аслу мурады – мен англагъан кюйде, гьона шолай йыллар булан жыйылып топлангъан кемчиликлени де, къыйыкъсытывланы да, алдын алып болмаса да, оланы ёрукълашдырып боларбыз, деп иш гёрмек. Тек олай ойлашагъанлар алда да бар эди – уллу адамлардан бирикген «Тамазаланы совети», сонг да «Тенгликни» къуруму, интеллигентлени совети, «Жамият совети», Хангиши Хангишиев къургъан Бетавулну жамият совети ва башгъалары. Тюзюн айтса, олар халкъ учун онча пайда этмеди.
Энни гьалиги гьаракатчылар не сюе? Мен шу соравну гьаракатчы группаны башчысы Осман Амирхановгъа да бердим. Сонг, ону жавапларындан гьасил чыгъарып, шулай затны англадым.
Биринчилей, уллу юртдагъы халкъны арасында бирликни, татывлукъну болдурма сюе. Уллу талавурлардан сонг къалгъан Къазанышны топуракъларын, биревлер оьзлени пайдасына къоллайгъанны гьали сама да токътатма сюе. Янгыз топуракъ масъала тюгюл, оьзге тюрлю тармакъларда да янгы жамият къурум, оьзлени программасына гёре иш гёрюп, юртлу халкъгъа пайдалы къуллугъун гёрсетмеге умут эте. Политика булан бир аралыгъы да ёкъ.
Жамиятны 30 адамдан къурулгъан советинде юрт депутатланы бирлери де бар. Буланы уставында жамиятны къургъанлар Осман Амирханов, Атагиши Муртазалиев, Малик Ирбайынов, Шамил Магьамматов деп язылгъан. Иш гёрме башлагъанлы да бир айлар бола. Оьзлени оьз газетин чыгъармагъа да умуту бар.
Мен ойлашагъан кюйде, янгы къурулгъан къурумну, гьакимлеге тогъас салайыкъ, олагъа къаршы иш гёрейик деген мурады ёкъ. Тарыкълы болса, кёмек де этежек. Балики, олар юртну ичинде халкъны гьайсызлыгъын, хоншусун гюллейгенликни, бир-бирине татывсузлукъну гёрюп, юрт бузулуп бара чы деп ойлашгъандыр. Оланы программасына гёре, гёз алгъа тутулгъан хыйлы яхшы ишлер бар. Инг яхшысы, олар бизден уллулар этип болмады, биз не этип болажакъбыз деп къол силлеп къоймай, болажакъбыз деп ойлаша. Тюз де эте.
Буйнакск районда тюгюл, савлай Дагъыстанда да лап уллу юртланы бири Тёбен Къазанышда токъсанынчы йылланы башындан берли, халкъны яшавун яхшылашдырагъан ишлеге тергев осал экенден къайры, жамият арада халкъны бир-бирине оьч этеген, бир-бири булан эришдиреген шартлар да болмай къалмай. Олардан биринчиси – уллу ва бай колхоз тозулгъаны, талангъаны. Тозулду дегенде, колхоз оьзюню аты да булан печаты болса тюгюл эсе, не авлакъларында, не де конторунда сакъланмагъан. Кёп санавдагъы къара тувар, къой сиривлер, техника, оьзге байлыкълары битгенде, ону топуракълары да ессиз къалды. Таныш-билишлик, урушбатчылыкъ, гьакимлени сутурлугъу, кёп тезден берли де, Къазанышны уллу къазанына мишикдей чомула-чомула туруп, берекетин сакълама къоймады. Бары да кемчиликлени айта турсакъ, тез арада битмежек сёз болур эди.
Янгы къурулагъан жамият къурумну аслу мурады – мен англагъан кюйде, гьона шолай йыллар булан жыйылып топлангъан кемчиликлени де, къыйыкъсытывланы да, алдын алып болмаса да, оланы ёрукълашдырып боларбыз, деп иш гёрмек. Тек олай ойлашагъанлар алда да бар эди – уллу адамлардан бирикген «Тамазаланы совети», сонг да «Тенгликни» къуруму, интеллигентлени совети, «Жамият совети», Хангиши Хангишиев къургъан Бетавулну жамият совети ва башгъалары. Тюзюн айтса, олар халкъ учун онча пайда этмеди.
Энни гьалиги гьаракатчылар не сюе? Мен шу соравну гьаракатчы группаны башчысы Осман Амирхановгъа да бердим. Сонг, ону жавапларындан гьасил чыгъарып, шулай затны англадым.
Биринчилей, уллу юртдагъы халкъны арасында бирликни, татывлукъну болдурма сюе. Уллу талавурлардан сонг къалгъан Къазанышны топуракъларын, биревлер оьзлени пайдасына къоллайгъанны гьали сама да токътатма сюе. Янгыз топуракъ масъала тюгюл, оьзге тюрлю тармакъларда да янгы жамият къурум, оьзлени программасына гёре иш гёрюп, юртлу халкъгъа пайдалы къуллугъун гёрсетмеге умут эте. Политика булан бир аралыгъы да ёкъ.
Жамиятны 30 адамдан къурулгъан советинде юрт депутатланы бирлери де бар. Буланы уставында жамиятны къургъанлар Осман Амирханов, Атагиши Муртазалиев, Малик Ирбайынов, Шамил Магьамматов деп язылгъан. Иш гёрме башлагъанлы да бир айлар бола. Оьзлени оьз газетин чыгъармагъа да умуту бар.
Мен ойлашагъан кюйде, янгы къурулгъан къурумну, гьакимлеге тогъас салайыкъ, олагъа къаршы иш гёрейик деген мурады ёкъ. Тарыкълы болса, кёмек де этежек. Балики, олар юртну ичинде халкъны гьайсызлыгъын, хоншусун гюллейгенликни, бир-бирине татывсузлукъну гёрюп, юрт бузулуп бара чы деп ойлашгъандыр. Оланы программасына гёре, гёз алгъа тутулгъан хыйлы яхшы ишлер бар. Инг яхшысы, олар бизден уллулар этип болмады, биз не этип болажакъбыз деп къол силлеп къоймай, болажакъбыз деп ойлаша. Тюз де эте.
