Яш журналистлени республика слёту

 

 

Магьачкъала шагьардагъы «Россия – мени тарихим» деген паркда яш журналистлени 12-нчи республика слёту оьтгерилди. Шонда «Орлёнок Дагестан» деген газет жыйгъан, бизин регионну гьар тюрлю ерлинден  язагъан 300-ге ювукъ пагьмулу яшлар ортакъчылыкъ этдилер. Слётда 2023-нчю  йылны боюнда газетни редакциясы билдирген республика конкурсну гьасиллери чыгъарыла эди.

 

Дагъыстан Республикада маълумат ва печат къуралланы ишине  къарайгъан агентлигини  ёлбашчысыны биринчи заместители Найида Магьамматова оьзюню къутлав сёзюнде газетни къуллукъчулары ва ону баш редактору Басират Гьусейнова  яш мухбирлер булан юрютеген гьаракатны тарбиялав ишде уллу агьамияты барны эсгерди. Яш мухбирлеге шагьатнамалар ва дипломлар, оланы муаллимлерине гьюрметлев грамоталар тапшурулгъандан къайры да, айры-айры бёлюклерде касбу сырларын уьйретивге байлавлу пайдалы семинарлар да юрюлдю.

Слётну ишинде Дагъыс­тан Республикада маълумат ва печат къуралланы  агентлигини  ёлбашчысы А. Жамалутдинов, билим беривге ва илмугъа къарайгъан министрни заместители Гьажимурат Магьамматов, отставкадагъы полковник Магьаррам Алижанов, Дагъыстан пачалыкъ университетни журналистика бёлюгюню заведующийи Гьамит Магьамматов ортакъчылыкъ этдилер.

 

К. КЪАГЬРУМАН.

 

Авторизация
*
*
Регистрация
*
*
*
Согласны с условиями сайта?
Генерация пароля