Гетген сонгугюн буса шо китапны охувчулагъа аян этмек мурат булан Магьачкъаладагъы милли китапханада Токъай тухумну вакиллери ва бу тухумну ювукъ къурдашлары жыйылгъан эди. Залны толтуруп къойгъан бу тухумгъа къарап сукъланывунг геле эди. Эсли наслуну вакиллери булан бирче, оьсюп гелеген наслу да оьз халкъы учун къуллукъ этивде бир къадар даражалагъа етишгенлик ва чалышагъанлыкъ бу тухумну абурун артдырагъан бир далил экени белгили болду.
Шу меселдеги тухум къурултай оьтгерилегени де биринчи керен экенни эсгермекни арив гёремен. Алдын ерли онгарылгъан программагъа гёре, бу жыйынны Токъай тухумну гёрмекли вакили Къалсын Токъаев мукъаятлы кюйде юрютмеге бажарды.
Китапны гьакъында айта туруп, аслам къошум этген Муса Токъаев чыгъып сёйледи. Ол бу китапда агьлю, адат-къылыкъ мердешлени арагъа чыгъарывда хыйлы маълумат жыймагъа тюшгенини гьакъында ачыкъдан хабарлады.
– Булай ёлугъувланы оьтгерив бир мердешге айланмагъа тарыкъ, – деди Нариман Гьажимуратов. – Тамурлары теренге гетеген ва гьали де оьзденлигин сакълап, халкъ арагъа абур-сыйгъа лайыкълы тухумлар ёкъ тюгюл. Гележекде тухум тамурларын ахтарагъан «Тухумлар» деген жамият къуруп иш гёрсек, асувлу болармы экен деп эсиме геле.
Къурултайгъа оьз къошумун эте туруп, «Ёлдаш» газетни баш редактору К. Алиев сёзюн булай башлады:
– Эки йыл алда Къарачай республикада шонда яшайгъан Алиев тухумну эки гюнню узагъында юрюлген байрамында ортакъчылыкъ этдим. Уллу шатлы агьвалатгъа айлангъан шо жыйында 200-ге ювукъ адам бар эди. Шонда илму конференция да оьтгерилди. Шо меселде юрюлеген бугюнгю ёлугъувну уллу маънасы бар. Бу мердеш оьзге тухумлагъа да яйылса, къумукъ халкъны тарихинде эсде къалагъан агьвалатланы бириси болуп токътажакъ.
Китапгъа багьа бере туруп, халкъ арагъа чыгъып белгили болгъан оьзге ёлдашлар да ойларын айтдылар. Бу китап арагъа чыкъгъанындан сююнюп, оьзлени ойларын айтагъан гьар адам китапны тизген Салавутдин ва Муса Токъаевлеге гьакъ юрегинден баракалласын билдирди. Ёлугъув тамамлана туруп, Салавутдин Токъаев тухум байрамны ортакъчыларына, китапны уьстюнде ишлегенлеге разилик сёзлер айтды.
Тухум китапны къолуна алгъан ва охугъан адамны бу ёлугъув кёп замангъа эсинде къалажагъы шеклик гелтирмей эди.
Шу меселдеги тухум къурултай оьтгерилегени де биринчи керен экенни эсгермекни арив гёремен. Алдын ерли онгарылгъан программагъа гёре, бу жыйынны Токъай тухумну гёрмекли вакили Къалсын Токъаев мукъаятлы кюйде юрютмеге бажарды.
Китапны гьакъында айта туруп, аслам къошум этген Муса Токъаев чыгъып сёйледи. Ол бу китапда агьлю, адат-къылыкъ мердешлени арагъа чыгъарывда хыйлы маълумат жыймагъа тюшгенини гьакъында ачыкъдан хабарлады.
– Булай ёлугъувланы оьтгерив бир мердешге айланмагъа тарыкъ, – деди Нариман Гьажимуратов. – Тамурлары теренге гетеген ва гьали де оьзденлигин сакълап, халкъ арагъа абур-сыйгъа лайыкълы тухумлар ёкъ тюгюл. Гележекде тухум тамурларын ахтарагъан «Тухумлар» деген жамият къуруп иш гёрсек, асувлу болармы экен деп эсиме геле.
Къурултайгъа оьз къошумун эте туруп, «Ёлдаш» газетни баш редактору К. Алиев сёзюн булай башлады:
– Эки йыл алда Къарачай республикада шонда яшайгъан Алиев тухумну эки гюнню узагъында юрюлген байрамында ортакъчылыкъ этдим. Уллу шатлы агьвалатгъа айлангъан шо жыйында 200-ге ювукъ адам бар эди. Шонда илму конференция да оьтгерилди. Шо меселде юрюлеген бугюнгю ёлугъувну уллу маънасы бар. Бу мердеш оьзге тухумлагъа да яйылса, къумукъ халкъны тарихинде эсде къалагъан агьвалатланы бириси болуп токътажакъ.
Китапгъа багьа бере туруп, халкъ арагъа чыгъып белгили болгъан оьзге ёлдашлар да ойларын айтдылар. Бу китап арагъа чыкъгъанындан сююнюп, оьзлени ойларын айтагъан гьар адам китапны тизген Салавутдин ва Муса Токъаевлеге гьакъ юрегинден баракалласын билдирди. Ёлугъув тамамлана туруп, Салавутдин Токъаев тухум байрамны ортакъчыларына, китапны уьстюнде ишлегенлеге разилик сёзлер айтды.
Тухум китапны къолуна алгъан ва охугъан адамны бу ёлугъув кёп замангъа эсинде къалажагъы шеклик гелтирмей эди.
