Оьтген жуманы ичинде А-П. Салаватовну атындагъы Къумукъ музыкалы-драма театрны артистлери башында режиссёр Рабият Осаева да булан янгы салынгъан балкъар драматург Жапар Токъумаевни пьесасына гёре «Чунайны тою» деген спектаклни премьерасын гёрсетди.
Сагьнада ойналгъан «Чунайны тою» гьалиден кёп йыллар алда язылгъан буса да, бизин яшавну, гьалиги заманны гюнлеринде де маънасын тас этмеген. Озокъда, автор гёрсетме сюеген гьалланы, англатма сюеген агьвалатланы гьар къаравчу оьзю гёреген кюйде англай. Тек бу гезик Къумукъ театрны сагьнасында гёрсетилген премьера толу комедия экенге гёре, къаравчуланы кепине гелгенге шеклик этмеймен.
Спектакль театрны артистлери бары да бирче аргъан-теп булан йыбана туруп, уллу арбаны уьстюне минип гелеген гёрюнюшден башлана. ДР-ни ат къазангъан художниги Наби Бамматов бу гезик сагьнаны онгаргъан кюю айрокъда къужурлу эди. Кавказны тавларыны тюбюнде юртда юрюлеген агьвалат, арбаны дёгерек айландырып, гюнден гечеге, гечеден гюнге, бир уьйден башгъасына элтип къоя.
Спектаклни баш игити Чунай – бай бизнесмен. Ол оьзю де мен «янгы къумукъман», бизнесменмен деп макътана. Къатын алып салгъан, заманын бош йибермейген Чунай юртда аривлюкге айтылгъан яш къызны къатын этип алмагъа сюе. Акъчасына, байлыгъына аркъатаяйгъан гьаким къурдашларына базынып, ону алажагъына шеклик де этмей.
Чунайны ролюн ойнайгъан артист Пахрутдин Ихивовну оюну бир арада кюлкюлю буса да, адамны инандырагъан кюйде ойнама бажарды. Сагьнада артист гючден кюлетме, сёзлерин артыкъ гючлендирип айтма къарай буса, къаравчу ону эслемей къоймай.
Шолай да, кёп жагьиллер гёз салгъан гёзел Танзиляны ойнагъан артистка Жамиля Магьамматова да бажарывлу кюйде, акъчагъа сатылмагъан, дюньяны аламатларына гьали де сутур болмагъан, сюювню де, уллулагъа гьюрмет этип, языгъы чыгъагъан къызъяшны келпетин уста кюйде яратды.
Огъар къаршы акъча учун не гьилланы къурма да гьазир Къурткъажанны келпети кюлкюлю гьаракатларда кёп ортакъчылыкъ эте. Бу рольну ойнагъан Дагъыстанны ат къазангъан артисткасы Зугьра Межитованы оюну да къаравчуланы рази этди.
Бу спектаклге къуршалгъан артистлени эсгере туруп, гиччи буса да оьзлени ролларын пагьмулу ойнап, келпетин къаравчугъа уста кюйде етишдирме бажаргъан Россияны ат къазангъан артисти Байсолтан Осаевни, Дагъыстан Республиканы халкъ артистлери Нариман Акавовну, Камил Жабукъовну, Дагъыстанны ат къазангъан артисти Магьаммат Касимовну оюнун да айрыча эсгерер эдим.
Режиссёр Рабият Осаева бу спектаклни гьакъында оьзюню къаравун айта туруп, байланы ва ярлыланы четим аралыкълары къайсы девюрде де болгъанны, бугюнлерде де шо аралыкълар яшавда оьмюр сюрегенлиги гёз алгъа тутулгъанын, ондан къайры да бугюнгю къаравчу комедияны талап этегенни эсгерди.
Бу спектаклге театрны кёбюсю яш артистлери де къуршалгъан эди. Гьар яратгъан келпети яш артистлени де оюнун чарлажакъгъа, гьар келпетни ойнай туруп, олар къаравчуланы разилигин алажакъгъа шеклик ёкъ.
Сагьнада ойналгъан «Чунайны тою» гьалиден кёп йыллар алда язылгъан буса да, бизин яшавну, гьалиги заманны гюнлеринде де маънасын тас этмеген. Озокъда, автор гёрсетме сюеген гьалланы, англатма сюеген агьвалатланы гьар къаравчу оьзю гёреген кюйде англай. Тек бу гезик Къумукъ театрны сагьнасында гёрсетилген премьера толу комедия экенге гёре, къаравчуланы кепине гелгенге шеклик этмеймен.
Спектакль театрны артистлери бары да бирче аргъан-теп булан йыбана туруп, уллу арбаны уьстюне минип гелеген гёрюнюшден башлана. ДР-ни ат къазангъан художниги Наби Бамматов бу гезик сагьнаны онгаргъан кюю айрокъда къужурлу эди. Кавказны тавларыны тюбюнде юртда юрюлеген агьвалат, арбаны дёгерек айландырып, гюнден гечеге, гечеден гюнге, бир уьйден башгъасына элтип къоя.
Спектаклни баш игити Чунай – бай бизнесмен. Ол оьзю де мен «янгы къумукъман», бизнесменмен деп макътана. Къатын алып салгъан, заманын бош йибермейген Чунай юртда аривлюкге айтылгъан яш къызны къатын этип алмагъа сюе. Акъчасына, байлыгъына аркъатаяйгъан гьаким къурдашларына базынып, ону алажагъына шеклик де этмей.
Чунайны ролюн ойнайгъан артист Пахрутдин Ихивовну оюну бир арада кюлкюлю буса да, адамны инандырагъан кюйде ойнама бажарды. Сагьнада артист гючден кюлетме, сёзлерин артыкъ гючлендирип айтма къарай буса, къаравчу ону эслемей къоймай.
Шолай да, кёп жагьиллер гёз салгъан гёзел Танзиляны ойнагъан артистка Жамиля Магьамматова да бажарывлу кюйде, акъчагъа сатылмагъан, дюньяны аламатларына гьали де сутур болмагъан, сюювню де, уллулагъа гьюрмет этип, языгъы чыгъагъан къызъяшны келпетин уста кюйде яратды.
Огъар къаршы акъча учун не гьилланы къурма да гьазир Къурткъажанны келпети кюлкюлю гьаракатларда кёп ортакъчылыкъ эте. Бу рольну ойнагъан Дагъыстанны ат къазангъан артисткасы Зугьра Межитованы оюну да къаравчуланы рази этди.
Бу спектаклге къуршалгъан артистлени эсгере туруп, гиччи буса да оьзлени ролларын пагьмулу ойнап, келпетин къаравчугъа уста кюйде етишдирме бажаргъан Россияны ат къазангъан артисти Байсолтан Осаевни, Дагъыстан Республиканы халкъ артистлери Нариман Акавовну, Камил Жабукъовну, Дагъыстанны ат къазангъан артисти Магьаммат Касимовну оюнун да айрыча эсгерер эдим.
Режиссёр Рабият Осаева бу спектаклни гьакъында оьзюню къаравун айта туруп, байланы ва ярлыланы четим аралыкълары къайсы девюрде де болгъанны, бугюнлерде де шо аралыкълар яшавда оьмюр сюрегенлиги гёз алгъа тутулгъанын, ондан къайры да бугюнгю къаравчу комедияны талап этегенни эсгерди.
Бу спектаклге театрны кёбюсю яш артистлери де къуршалгъан эди. Гьар яратгъан келпети яш артистлени де оюнун чарлажакъгъа, гьар келпетни ойнай туруп, олар къаравчуланы разилигин алажакъгъа шеклик ёкъ.
