ДР-ни Башчысы Сергей Меликовну сиптечилиги булан артдагъы йылларда Дагъыстанда «Экология» деген милли борчну оьлчевюнде айлана якъны аманлыгъын ва тазалыгъын болдурувгъа айрыча тергев бакъдырыла. «Таза уьлке» деген федерал проектни оьлчевюнде де Россияны оьзге регионларында йимик, Дагъыстанда тазалыкъны болдурувгъа байлавлу законланы ва низамны къоруп сакълав сыйлы борч экени англашыла.
Бугюнлерде Хасавюрт, Каскийск шагьар, Южно-Сухокумск, Буйнакск шагьар округларындагъы оьзлюгюнден башалман кюйде амалгъа гелген чёплюклени орнун къалды-къулдулардан тазалап, юрт хозяйство топуракъ-лагъа къайтармакъ учун чаралар гёрюле. Гьали-гьалилерде ишчи сапары булан ДР-ни Гьукуматыны Председателини заместители Абдулмуталим Абдулмуталибов Буйнакск шагьарда болувунда тазалыкъны болдурувгъа байлавлу оьтгерилеген ишлени барышы булан ювукъдан таныш болгъан.
Ишчи сапарында ону булан ДР-ни экология ва табии байлыкъларыны министрини борчларын заманлыкъгъа кютеген А. Зимин де болгъан.
– Бизин министерликни къанатыны тюбюнде иш гёреген «Дагвод-сервис» деген пачалыкъ идара «Русстрой» деген компания булан байлав-лукъда дыгъарлашып тазалыкъ болдурувну чараларын оьтгере, – деген А. Зимин. – Эсгерилген шагьар округларда белгиленген тазалыкъ болдурувну чараларын йылны ахырына ерли тамамламагъа токъташгъанбыз.
Ишчи сапарыны вакътисинде болгъан гьакълашывланы жамын А. Абдулмуталибов чыгъаргъан. Алгъа салынгъан милли борчну оьлчевюнде юрюлеген тазалыкъны болдурувну чараларын айлана якъны къоруп сакълавну законларыны талапларына кюрчюленип оьтгермеге тюшегени гьакъда буварыв этген.
