Озокъда, пачалыкъны янындан этилинеген аз-маз кёмек булан шолайлагъа гьатдан озуп къутуруп барагъан багьаланы енгме бажарылмай.
Шону гьисапгъа алып, артдагъы вакътилерде бизин бир тайпа мадарлы адамларыбызны, къурумларыбызны янындан таба гьакъ юрекден этилинеген кёмек тергевню тартмай болмай.
Шолай болмагъа да тарыкъ. Ач хадирин токъ билмес деп къоймайлы, амалсызлагъа, языкълагъа да уьлюш пай чыгъарыв ислам динге ирия болгъанланы арасында да айрыча гьюрметленген. Ислам динни гьакъ юрекден къабул этип, иманлы ва башгъа асил къылыкъланы ругьунда мал топлагъанлар шолай этип де тура.
Озокъда, амалсызланы къыйынына ес болуп, гьарам ёлунда иш гёрегенлени кёмегине, садагъасына гёз къаратма да тюшмей эди. Тек не этерсен, малгъа- акъчагъа сатылагъан оьзге тайпалар гьарамдан жиргенмейгени ичингбушдура.
Гертиден де, гьалаллыкъны ёлунда этилинеген рагьмулу гьаракатгъа буса бизин арабызда ёллар ачылма тарыкъ. Тюзюн айтгъанда, бизин арабызда кёп болмаса да, бугюн шолай адамларыбыз, гьар тюрлю компаниялар, пачалыкъ ва жамият къурумлар къаршылашагъаны сююндюре.
Гьона, ол гюнлерде Дагъыстан пачалыкъ университетни юридический факультетини студентлери тахшагьардагъы етим яшлар сакъланагъан ва тарбияланагъан уьйде болуп, оланы гёнгюн алгъаны да шолай языкъсыныв рагьмулу иш эди.
Насип недир деп сорагъанда, шолай адилли ишлеге бойсынгъанлар, озокъда: «Амалсызгъа кёмек этив, ону къыйынына къол ялгъав», – деп жавап бережеги шеклик тувдурмай.
Бизин арабызда мадарлы, юреги чомарт адамлар кёп болагъанын мен гюллемеймен, эрши гёрмеймен, олар мени юрегимде разиликни гьислерин уята. Тек шоланы кёмегин низамгъа кюрчюлендирип пайдаландырмасакъ, баягъы, гёзю-къарны къазанчдан тоймайгъан сутурлар пайдаланмакъ бар. Шо саялы да мен сизге шулай таклиф этемен.
Белгили болгъаны йимик, экмек – бизин баш азыгъыбыз. Будайдан баш бола. Башдан аш бола. Шо ашдан бирев де къысылгъанны, ач къалгъанны сюймеймен. О саялы да бир башлап бары да кёмекни бир муратгъа – амалсызланы тегин экмек булан таъмин этивге бакъдырсакъ, зувап болажакъ.
Кёмек кимге етише, ким магьрюм къала? Бу ерде гьалиге ерли толу кюйде ачыкълыкъ ёкъ. Шо гьакъда бизин арабызда айтды-къуйтдулагъа ёл берилмесин учун, низамны ёлун-ёругъун болдурма тюшегени гьакъда бирдагъы да айтаман.
Мени йимик ойлашагъанлар, бизин республикабызны къайсы шагьарын, юртун алсакъ да, къаршылашмай тюгюл. Мени маслакдашларымны ою магъа да шо саялы ювукъ.
Кёмеклешив – гючю-къудураты булангъы гьар адамгъа тиеген масъала. Айтмагъа сюегеним, Къызылюртда гьар жумагюн тюкенлерде, межитлер таклиф этип, экмек тегин сатыла дей. Болмагъа ярай. Тек, бирдагъы да такрарлайман, о бизин къайсыбызгъа да тиеген ортакъ масъала. Сав-саламат, адилли, таза жамиятда ашдан бирев де къысылмасын учун къаст этиле гелген. Шондан дарс алып йиберсек, бугюн Магьачкъалада ва оьзге ерлерде ашны тегин пайлайгъан кююн танглама бажарыла.
Озокъда, шону учун ДР-ни Гьукуматыны янындан да кёмек тийишли. Мисал учун айтгъанда, Тюркменистанда экмек адамлагъа тегин бериле.
Тандырда биширилген ашны бириси – 20 манат, 200 манатны шабагьат этсенг, 10 адамгъа тегин экмек тюшежек.
Дин ёругъунда айтсакъ да, садагъа учун сагъа 40 адам разилигин билдирип, баракалла деп айтса, зувап болур ва адилли-ярыкъ умутларынг яшавгъа чыгъар.
Берегенни къолу чомарт болажакъ деп де негьакъ айтылмагъан. Озокъда, адам янгыз аш булан яшамай. Яшав баргъан сайын алмашына, заман да бир кюйде токътамай . Шо кююнде талаплар, адамлар да бир оьлчевде, даражада турмай. Бугюнню тангаласы барны унутмай яшасакъ, бизин арабызда кёмекге харлылар, тиленчилер аз болажагъы шеклик тувдурмай.
Рагьмулу гьаракатгъа – шагьра ёл!
Дербент район.
Шону гьисапгъа алып, артдагъы вакътилерде бизин бир тайпа мадарлы адамларыбызны, къурумларыбызны янындан таба гьакъ юрекден этилинеген кёмек тергевню тартмай болмай.
Шолай болмагъа да тарыкъ. Ач хадирин токъ билмес деп къоймайлы, амалсызлагъа, языкълагъа да уьлюш пай чыгъарыв ислам динге ирия болгъанланы арасында да айрыча гьюрметленген. Ислам динни гьакъ юрекден къабул этип, иманлы ва башгъа асил къылыкъланы ругьунда мал топлагъанлар шолай этип де тура.
Озокъда, амалсызланы къыйынына ес болуп, гьарам ёлунда иш гёрегенлени кёмегине, садагъасына гёз къаратма да тюшмей эди. Тек не этерсен, малгъа- акъчагъа сатылагъан оьзге тайпалар гьарамдан жиргенмейгени ичингбушдура.
Гертиден де, гьалаллыкъны ёлунда этилинеген рагьмулу гьаракатгъа буса бизин арабызда ёллар ачылма тарыкъ. Тюзюн айтгъанда, бизин арабызда кёп болмаса да, бугюн шолай адамларыбыз, гьар тюрлю компаниялар, пачалыкъ ва жамият къурумлар къаршылашагъаны сююндюре.
Гьона, ол гюнлерде Дагъыстан пачалыкъ университетни юридический факультетини студентлери тахшагьардагъы етим яшлар сакъланагъан ва тарбияланагъан уьйде болуп, оланы гёнгюн алгъаны да шолай языкъсыныв рагьмулу иш эди.
Насип недир деп сорагъанда, шолай адилли ишлеге бойсынгъанлар, озокъда: «Амалсызгъа кёмек этив, ону къыйынына къол ялгъав», – деп жавап бережеги шеклик тувдурмай.
Бизин арабызда мадарлы, юреги чомарт адамлар кёп болагъанын мен гюллемеймен, эрши гёрмеймен, олар мени юрегимде разиликни гьислерин уята. Тек шоланы кёмегин низамгъа кюрчюлендирип пайдаландырмасакъ, баягъы, гёзю-къарны къазанчдан тоймайгъан сутурлар пайдаланмакъ бар. Шо саялы да мен сизге шулай таклиф этемен.
Белгили болгъаны йимик, экмек – бизин баш азыгъыбыз. Будайдан баш бола. Башдан аш бола. Шо ашдан бирев де къысылгъанны, ач къалгъанны сюймеймен. О саялы да бир башлап бары да кёмекни бир муратгъа – амалсызланы тегин экмек булан таъмин этивге бакъдырсакъ, зувап болажакъ.
Кёмек кимге етише, ким магьрюм къала? Бу ерде гьалиге ерли толу кюйде ачыкълыкъ ёкъ. Шо гьакъда бизин арабызда айтды-къуйтдулагъа ёл берилмесин учун, низамны ёлун-ёругъун болдурма тюшегени гьакъда бирдагъы да айтаман.
Мени йимик ойлашагъанлар, бизин республикабызны къайсы шагьарын, юртун алсакъ да, къаршылашмай тюгюл. Мени маслакдашларымны ою магъа да шо саялы ювукъ.
Кёмеклешив – гючю-къудураты булангъы гьар адамгъа тиеген масъала. Айтмагъа сюегеним, Къызылюртда гьар жумагюн тюкенлерде, межитлер таклиф этип, экмек тегин сатыла дей. Болмагъа ярай. Тек, бирдагъы да такрарлайман, о бизин къайсыбызгъа да тиеген ортакъ масъала. Сав-саламат, адилли, таза жамиятда ашдан бирев де къысылмасын учун къаст этиле гелген. Шондан дарс алып йиберсек, бугюн Магьачкъалада ва оьзге ерлерде ашны тегин пайлайгъан кююн танглама бажарыла.
Озокъда, шону учун ДР-ни Гьукуматыны янындан да кёмек тийишли. Мисал учун айтгъанда, Тюркменистанда экмек адамлагъа тегин бериле.
Тандырда биширилген ашны бириси – 20 манат, 200 манатны шабагьат этсенг, 10 адамгъа тегин экмек тюшежек.
Дин ёругъунда айтсакъ да, садагъа учун сагъа 40 адам разилигин билдирип, баракалла деп айтса, зувап болур ва адилли-ярыкъ умутларынг яшавгъа чыгъар.
Берегенни къолу чомарт болажакъ деп де негьакъ айтылмагъан. Озокъда, адам янгыз аш булан яшамай. Яшав баргъан сайын алмашына, заман да бир кюйде токътамай . Шо кююнде талаплар, адамлар да бир оьлчевде, даражада турмай. Бугюнню тангаласы барны унутмай яшасакъ, бизин арабызда кёмекге харлылар, тиленчилер аз болажагъы шеклик тувдурмай.
Рагьмулу гьаракатгъа – шагьра ёл!
Имамутдин Османов.
Дербент район.
