Ватан давдагъы Уьстюнлюкню гюнюню 50 йыллыгъына «Россия» каналдан берилген берилиш адамланы гьайран этди. Рейхстаггъа байракъ къагъагъанланы бириси къумукъ улан, Хасавюрт районну Чагъаротар юртлусу Абдулгьаким Исмайылов болгъан.
«Россия» каналны студиясына гелген шо суратны автору Евгений Халдей айтгъан кюйде, 1945-нчи йыл 2-нчи майда ол барып Рейхстагны алгъан полкда сорав юрютген. Ондагъылар бир тавушдан, апрель айны 30-нда гече Рейхстаггъа байракъ къакъгъанлар капитан Алексей Ковалёв, старшина Абдулгьаким Исмайылов ва рядовой Леонид Горичев эди деп билдиргенлер. Шо билдиривню яхшы кюйде тергеген сонг, Евгений Халдей, оьзю шо берилишде айтгъан кюйде, атлары эсгерилген воинлеге оьзлер байракъ къакъгъан кюйню гёрсетмекни тилеген ва Ватан давну Уьстюнлюгюню байрагъы къагъылагъан мюгьлетни суратын алгъан. Суратда байракъ къагъагъан Алексей Ковалёвну тутуп турагъан старшина Абдулгьаким Исмайылов да шо Е.Халдейни сёзлерин гертиледи.
Элли йылланы узагъында шо игитликни неге аян этмединг деген бизин соравгъа Абдулгьаким Исмайылов савунда булай жавап бере эди: «Хас кюйде токъташдырылгъан маълумат бар эди. О заманларда пачалыкъ оьлчевде токъташдырылгъан пикругъа къаршы чыкъмакъ пайдасыз иш эди. Юртлуларыма айтгъанда, Абдулгьакимни ёммакълары деп олар кюлей эдилер», – дей эди. «Сизин хатиригиз къалмаймы эди?» – деп сорагъанда ол: «Олагъа къошулуп оьзюм де кюлей эдим», – дей эди. Оланы чы несин айтасан, къурдашым о заман фронтдагъы Ирбайхан Акаевге: «Гитлерни кабинетинде де олтуруп, сагъа кагъыз язаман», – деп язгъанда, ондан магъа: «Дюр чю дагъы, атанг Исакъ Петроградда Къышлыкъ къаланы алгъан эди, сен де Рейхстагны алгъансандыр», – деген ёрукъда мысгъыл кагъыз гелген эди», – деп эсгере эди. А.Исмайыловну, оьзю айтгъан кюйде, огъар да хатири къалмагъан.
Бир тамаша саламатлыгъы булангъы А.Исмайылов финлер булангъы давда да ортакъчылыкъ этген, фашист Германиягъа къаршы давну башындан ахырына ерли разведка взводну составында къуллукъ этген. Сталинграддан Берлинге ерли баргъан. Ону дав къысматыны гьакъында язывчу ва журналист Гебек Къонакъбиевни «Байракъ къакъгъан Абдулгьаким» деген китабында мекенли кюйде айтыла.
Давда чинк де къоркъунчлу разведка взводну составында, давну башындан ахырына ерли фронтда ябушмакъ игитлик тюгюлмю? Къоркъув билмейген разведчик, савунда оьзю эсгерген кюйде, нече-нече керен душман тутгъан топуракъгъа «тил» алмагъа баргъанлар. Янгыз Берлинде Рейхстагны алагъан ябушувларда гёрсетген къоччакълыгъы учун да огъар Игит ат берме ярай эди.
Ол буса Игитни алтын юлдузун, дав битип, 51 йылдан сонг такъды.
«Россия» каналны студиясына гелген шо суратны автору Евгений Халдей айтгъан кюйде, 1945-нчи йыл 2-нчи майда ол барып Рейхстагны алгъан полкда сорав юрютген. Ондагъылар бир тавушдан, апрель айны 30-нда гече Рейхстаггъа байракъ къакъгъанлар капитан Алексей Ковалёв, старшина Абдулгьаким Исмайылов ва рядовой Леонид Горичев эди деп билдиргенлер. Шо билдиривню яхшы кюйде тергеген сонг, Евгений Халдей, оьзю шо берилишде айтгъан кюйде, атлары эсгерилген воинлеге оьзлер байракъ къакъгъан кюйню гёрсетмекни тилеген ва Ватан давну Уьстюнлюгюню байрагъы къагъылагъан мюгьлетни суратын алгъан. Суратда байракъ къагъагъан Алексей Ковалёвну тутуп турагъан старшина Абдулгьаким Исмайылов да шо Е.Халдейни сёзлерин гертиледи.
Элли йылланы узагъында шо игитликни неге аян этмединг деген бизин соравгъа Абдулгьаким Исмайылов савунда булай жавап бере эди: «Хас кюйде токъташдырылгъан маълумат бар эди. О заманларда пачалыкъ оьлчевде токъташдырылгъан пикругъа къаршы чыкъмакъ пайдасыз иш эди. Юртлуларыма айтгъанда, Абдулгьакимни ёммакълары деп олар кюлей эдилер», – дей эди. «Сизин хатиригиз къалмаймы эди?» – деп сорагъанда ол: «Олагъа къошулуп оьзюм де кюлей эдим», – дей эди. Оланы чы несин айтасан, къурдашым о заман фронтдагъы Ирбайхан Акаевге: «Гитлерни кабинетинде де олтуруп, сагъа кагъыз язаман», – деп язгъанда, ондан магъа: «Дюр чю дагъы, атанг Исакъ Петроградда Къышлыкъ къаланы алгъан эди, сен де Рейхстагны алгъансандыр», – деген ёрукъда мысгъыл кагъыз гелген эди», – деп эсгере эди. А.Исмайыловну, оьзю айтгъан кюйде, огъар да хатири къалмагъан.
Бир тамаша саламатлыгъы булангъы А.Исмайылов финлер булангъы давда да ортакъчылыкъ этген, фашист Германиягъа къаршы давну башындан ахырына ерли разведка взводну составында къуллукъ этген. Сталинграддан Берлинге ерли баргъан. Ону дав къысматыны гьакъында язывчу ва журналист Гебек Къонакъбиевни «Байракъ къакъгъан Абдулгьаким» деген китабында мекенли кюйде айтыла.
Давда чинк де къоркъунчлу разведка взводну составында, давну башындан ахырына ерли фронтда ябушмакъ игитлик тюгюлмю? Къоркъув билмейген разведчик, савунда оьзю эсгерген кюйде, нече-нече керен душман тутгъан топуракъгъа «тил» алмагъа баргъанлар. Янгыз Берлинде Рейхстагны алагъан ябушувларда гёрсетген къоччакълыгъы учун да огъар Игит ат берме ярай эди.
Ол буса Игитни алтын юлдузун, дав битип, 51 йылдан сонг такъды.
