Алдындагъы гюнлерде район администрацияны башчысы Айнутдин Зиявутдинов юртланы башчылары, прокуратураны ва МВД-ни вакиллери, юрт межитлени ва районну жамият чалышывчулары булан бирликде, асгерге гюзгю чакъырывгъа байлавлу болуп генглешген жыйын оьтгерди.
Шонда ол юртланы башчылары асгерге чакъырывгъа байлавлу ишни асувлу кюйде юрютмейгенине де тергевюн бакъдырды.
– Юртну башчысы, булай алгъан заманда, асгерге чакъырылагъан уланланы барысында яхшы таный. Шолай болгъанда ол гьар чакъырылгъан улан булан айрыча сёйлемеге, англатыв иш юрютмеге герек. Асгерге чакъырылгъан адам юртда турмай буса, ону документлерин яшайгъан ерине йибермеге герек, – деди районну башчысы, юртланы башчыларыны ишине багьа бере туруп.
– Асгерге чакъырылагъан яшланы ата-аналары булан айрыча лакъыр этмек де агьамиятлы, – деди оьзюню сёйлевюнде районну прокуроруну кёмекчиси Муртазали Алиханов да.
Жават ЗАКАВОВ
