Мы в Instagram:

Instagram

XML имеет неверный формат

Еси ёкъну бёрю ашар… |

       




_____________________________________________________________________


Бир керен Расул Гьамзатов магъа: «Набиюлла, не язасан ?» – деп сорагъан эди. Яш шаир не этегенни билме сюйгендир… Мен огъар: «Расул Гьамзатович, буссагьатгъы вакъти шиърулардан прозагъа гёчюп тураман. Яшавда, адам арада ёлугъагъан яхшы-яманны суратлап, жанланы гьакъында, оланы игитлер этип хабарлар язаман», – дедим. Ол магъа гьазирине: «Адамланы орнуна игитлер этип жанланы алмасанг да ярар, адамланы оьзлени алып къой туврадан. Гьали адамлар да жанлагъа ошайгъан болуп геле», – деп жавап берди.

Рагьмулукъ юрютегенлер де бар. «Инсаплы фондлар» ачып юрюйгенлер де аз тюгюл. Тек бир-биревге гьакъ юрекден этилеген рагьму, тазалыкъ, бир-биревге бакъгъан сююв бизин арадан гетип барагъанына инандырагъан далиллер де кёп ёлугъа. Олай болагъанлыкъгъа айрыча себеплер де бардыр… Бириси адамлар тийишли ёлдан чыгъып яшаса да ярайгъанны англагъаны деп эсиме геле. Такъсырдан къачма уьйренгени. Терс этегени аян болуп, билинип къалажакъ деп къоркъмайгъан болгъан.

Адамлар янгыз ашама, яшама тарыкъ деп ойлаша. Мен оьзюм боламан башымны гьа­йын этип деген ой булан билмейгенин де гишиге сорама сюймей. Гишини къыйынына жаны авруйгъанлыкъ ёкъ. Къырыйындагъы адамгъа яхшылыкъ этип, шондан юрегине сююнч гелтиреген къылыкъ да аз деп айтса да ярай.

Булай кант этив пайда гелтирмей. О гьакъда кёп сёйлене. Тек шолай неге болагъаныны гьа­къында аз айтыла.

Мен ойлашагъан кюйде, адамланы бир-бирине оьч болувуну, ятлыкъгъа тартылывуну себеплерин ахтара туруп, законлар тутулмай­гъанны гьакъында айтма герек деп эсиме геле. Ону учун да адамларда янгыз оьзюмню сакъла­йым деген ой тувулунадыр.

Бу масъалагъа туврадан къарап, ону ачыкъдан англама да къыйын тюгюл. Гьар ватандашгъа оьзюню ихтиярларын якъламакъ учун чыкъгъан ва чыгъарылагъан законлар простой адамлар учун яшавгъа чыкъмайгъаны жамият арада кёп уллу зарал гелтире. Халкъ ону яхшы англай, тек этме болагъаны ёкъ. Савлукъ сакълав, билим берив тармакълар байыкъгъанланы пайдасына ишлей. Билим алма да, савлукъларын беклешдирме де ихтияр бар, тек имканлыкълар аз. Закон гючлю болса да, биревлер ондан абатланып оьтме бола. Простой халкъ болмай. Оланы абатлары къысгъа. Аз алапалар булан уллу абатлар алма бажарылмай.

Законну ким якълама тарыкъ? Прокуратура, судлар, полиция, ахтарыв иш юрютеген къурумлар, наркоконтроль, гьар тармакъны оьзюню министерликлери яда ведомстволары бар. Къысгъача айтгъанда, бары да гьакимлер. Булар бары да закон якълавну ёлунда юрюй. Оланы гьариси прос­той ватандашны яшавуна не янындан да таъсир этме бола.

Озокъда, таза гьаким яхшы янындан таъсир этер, яманы зарал гелтирер. Ёлбашчы къуллукъчулар, иш беривчюлер ёлдан чыкъса, такъсырлана. Закон булан шолай болма герек. Яшавда – башгъача…

Партиялар кёп, тек оланы жамият арадагъы иши гёрюнмей. Оланы айтгъаны тутулар йимик гючю де ёкъ. Халкъгъа ювукъ тюп канзидеги депутатлар да юрт ерлерде бир масъаланы да чечген деп эшитмегенмен. Шону учун да адамлар якълама гьаким тапмагъанда, ачувлу бола, оьзюн янгыз гёре. Не этсин, кёмек излеп, айтгъаны тутулагъан бай хоншусуна барма да болмай. Ону къапулары бек, чырлары бийик. Ол да янгыз яшама башла­гъан. «Демократия» гелтирген алышынывлагъа да ол тез тюшюнген.




Количество показов: 103

Комментарии (0)




Возврат к списку

 



Важные новости

Актуальные новости

              Дорогие друзья!

Присоединяйтесь к нам в соцсетях


insta.jpg

                




1.jpg

2.jpg

3.jpg

4.jpg

5.jpg

9.jpg

10.jpg


ਠ ­®¢®áâ¨.jpg

ªà « â¢.jpg

ANADOLU AJANSI.jpg

haberturk.jpg



AlfaSystems massmedia K3FN2SA