Къызардаш-уланкъардаш Атаевлер спортну бу журасында яхшы уьстюнлюклеге етгенлер. Аида Павловский Посад шагьардагъы 2 номерли школада 11-нчи класда охуй, огъар 16 йыл бола, Уллубийге 15 йыл бола. Ол 10-нчу класны охувчусу.
Тхэквондода биринчи уьстюнлюк Аидагъа 2008-нчи йылда Минск шагьарда оьтгерилген Белоруссияны ачыкъ кубогунда гелген. Сонг Харьков шагьарда Европаны кубогунда экинчи ерни алгъан. Уьч йыл алда Европаны кубогунда оьркъазанышлы къыз уьчюнчю савгъатны къазана. Ол Россияны ва Орта федерал оругну чемпиону да дюр.
Аида бираз алда Англиядагъы Ковентри шагьарында оьтгерилген дюньяны чемпионатында уллу уьстюнлюкге етишген. 31 пачалыкъны 16–17 йыллыкъ къызъяшлары ортакъчылыкъ этген ярышларында оьркъазанышлы къыз алтын медаль къазангъан. Къумукъ къыз 64 кило авурлукъда беш керен ябушгъан. Бары да ёлугъувларда уьст гелип, ол биринчи ерге ес болгъан.
Уллубий 2010-нчу йылда яшланы арасында Волгоград шагьарда оьтгерилген Россияны чемпионатында биринчи ерни алгъан. Ол Москваны чемпиону да дюр. Артдагъы гюнлерде Екатеринбург шагьарда Россияны кубогуну ярышларында Уллубий 75 кило авурлукъда биринчи ерни къазангъан.
– Яшларым тхэквондону сююп къойгъанлар. Аида – Англияда, Уллубий буса Екатеринбургда уьстюнлюклер къазанып, бизин сююндюрдюлер. Олар тхэквондодан къайры, музыканы да сюелер ва музыка школада охуйлар, –дей чемпионланы атасы Наби Атаев.
Къызардаш-уланкъардаш Атаевлени уьстюнлюклери булан къутлайбыз.
Тхэквондода биринчи уьстюнлюк Аидагъа 2008-нчи йылда Минск шагьарда оьтгерилген Белоруссияны ачыкъ кубогунда гелген. Сонг Харьков шагьарда Европаны кубогунда экинчи ерни алгъан. Уьч йыл алда Европаны кубогунда оьркъазанышлы къыз уьчюнчю савгъатны къазана. Ол Россияны ва Орта федерал оругну чемпиону да дюр.
Аида бираз алда Англиядагъы Ковентри шагьарында оьтгерилген дюньяны чемпионатында уллу уьстюнлюкге етишген. 31 пачалыкъны 16–17 йыллыкъ къызъяшлары ортакъчылыкъ этген ярышларында оьркъазанышлы къыз алтын медаль къазангъан. Къумукъ къыз 64 кило авурлукъда беш керен ябушгъан. Бары да ёлугъувларда уьст гелип, ол биринчи ерге ес болгъан.
Уллубий 2010-нчу йылда яшланы арасында Волгоград шагьарда оьтгерилген Россияны чемпионатында биринчи ерни алгъан. Ол Москваны чемпиону да дюр. Артдагъы гюнлерде Екатеринбург шагьарда Россияны кубогуну ярышларында Уллубий 75 кило авурлукъда биринчи ерни къазангъан.
– Яшларым тхэквондону сююп къойгъанлар. Аида – Англияда, Уллубий буса Екатеринбургда уьстюнлюклер къазанып, бизин сююндюрдюлер. Олар тхэквондодан къайры, музыканы да сюелер ва музыка школада охуйлар, –дей чемпионланы атасы Наби Атаев.
Къызардаш-уланкъардаш Атаевлени уьстюнлюклери булан къутлайбыз.
Суратда: А. Атаева.
Автор чыгъаргъан сурат.
