Май айны 22-нде, тюш вакъти, гюн гётерилип чакъгъа иссилик тюшгенде, Ибрагьимотардагъы (Бабаюрт район) спорт школаны кочаплары гезикли уьйренивлеринден сонг ювукъдагъы Терик оьзенге киринме баргъан болгъан. Тек тезден берли къаравулланагъан шатлы агьвалат бирден къайгъылы гюнге айланма аз къалгъан.
Оьзенни дув хасиятларын яхшы билмейген яшланы бириси сувну къатты агъымына тюшюп батылма башлагъан. Шоссагьат огъар кёмекге тренери алгъасагъан. Амма ону да яшны къутгъарма гючю чатмагъан, экевюню де яшавуна уллу къоркъунчлукъ тувулунгъан.
Насипге шо гюн бу бойларда Шагьбан Гьасанов агьлюсю булан ял ала болгъан. Ол къувунлу тавушланы эшитип, батыла турагъанланы эс этген ва бир мюгьлетге де ойлашмай сувгъа атылып, яш кочапны да, ону тренерин де ягъагъа чыгъаргъан.
Сонг белгили болгъан кюйде, Шагьбан Гьасанов полицияны къуллукъ-чусу. Ерли администрация къоччакъ полицейскийни савгъатлама токъ-ташгъан ва ич ишлени район бёлюгюне баракалла кагъыз бакъдыргъан.
Алав Алиев
