Бабаюрт районну Геметёбе юртуну футбол клубу оьтген ял алыв гюнлерде Ногъай районну Терекли-Мектеб юртунда оьтгерилген Ногъай футбол лигасында ортакъчылыкъ этди. Онда ногъай этносуну вакиллери яшайгъан Темиркъазыкъ Кавказны ва Россияны регионларындан да футбол командалар гелген эди. Сайлангъанланы арасындан 12 -вю гючлю болуп чыкъды.
Геметёбени футбол командасы утгъан сонг, футбол майданны есилери Терекли-Мектеб командасы булан ёлукъдулар. Геметёбели топ ойнавчуланы усталыгъы, оланы утувгъа талпыныву, тереклимектеблилени оюнда бир нече керен хата этмеге борчлу этди ва ахыр натижада олар уьстюн де гелдилер.
Алтын медаллагъа ес болгъандан къайры да, «Геметёбе» футбол команданы топчулары гюзде ногъай командаланы арасында Румынияда оьтгерилежек дюньяны чемпионатына путёвка да къазанды.
