Янгы йылгъы къутлав: Бурлият Элмурзаева, Россияны ат къазангъан, Дагъыстанны халкъ артисткасы.

Гьюрметли, асил Къумукъ халкъым, гьакъ юрекден сизин етишип гелген Янгы йыл булан къутлайман. Оьтген йылыбызда шатлыкълар булан бирче пашман къайгъылыкълар да болду. Украина бойда юрюлеген хас асгер гьаракат ата-аналагъа гёзьяшлар тёкме борчлу этди.

Янгы йылыбызда парахатлыкъ ёрайман. Гьар улангъа да, гьар атагъа да уьйлерине сав-саламат къайтмагъа Аллагь насип этсин. Дос-къардашларыны юреклерине сабурлукъ салсын!

Гьар ожакъ яшланы сююнчлю кюлкюлеринден толсун. Халкъымны жагьиллери уланлар, къызлар бир-бирине табушуп, бир-бирин сююп янгы агьлулер къуруп авлетли-девлетли болуп, ата-анасын сююндюрюп яшама насип болсун. Миллетим къыйынлыкълар, тарлыкълар гёрмей, ачыкъ кёкню тюбюнде парахатлыкъда яшагъанны сюемен. Янгы йылда гьар кимни де гёз алгъа тутгъан муратлары, умутлары бола. Оьзюгюз сюеген кюйде бары да умутларыгъызгъа етишме насип болсун. берекетли, парахат яшав сюреген йыл болсун. Мени йырларым да сизин оьмюрюгюзге оьмюр къошсун! Янгы йылыгъыз къутлу болсун!

Авторизация
*
*
Регистрация
*
*
*
Согласны с условиями сайта?
Генерация пароля