Унутулмажакъ гюнлени эсге алып

Алдагъы гюнлерде  Ленинград шагьар немис елевчюлени къамавундан толу кюйде азат этилгенли арадан 80 йыл тамамланды. Бизин рес­публиканы бары да дегенлей шагьарларында ва юртларында иш гёреген охув ожакъларында шо агьвалатгъа  байлавлу чаралар оьтгерилди.

Шоланы барышында муаллимлер  оьзлени алдында билим ала­гъан  яшлагъа Уллу Ватан давну тарихи, айрыча алгъанда  Ленинград  шагьарда яшайгъанлар гёрсетген къоччакълыкъны гьакъында айтды. Шолайлыкъда, оланы тарихи эсделиклени асырап сакълама герекни  тюшюндюрмекден къайры да, патриот ругьда тарбиялавгъа да болушлукъ этгени гьакъда айтмагъа бажарыла. Билим ерив управлениелени, олай да охув ожакъланы Telegram-каналларында билдирилегени йимик, шо унутулмажакъ гюнлени эсге алып оьтгерилген гьаракатлагъа башлапгъы  ва оьр класланы охувчулары уллу иштагьлыкъ булан къуршалып ортакъчылыкъ этди. Шоларда  ерлешдирилген маълуматлардан пайдаланып, бугюнлерде оьтгерилген шо гьаракатларда чыгъа­рылгъан суратланы бири яш охувчуланы тергевюне бериле.

 

Насрулла БАЙБОЛАТОВ.

Авторизация
*
*
Регистрация
*
*
*
Согласны с условиями сайта?
Генерация пароля