Сайлавлагъа гьазирлик юрюле

Бу йыл март айны 15-нден 17-си болгъанча Россияны Президентин сайлавлар оьтгерилежек. Сайлавлар бираз алда да оьтгерилме бола. Шо гьакъда Дагъыстанны сайлав комиссиясыны председатели Магьаммат Дибиров гезикли оьтгерген жыйынында айтгъан.

 

Комиссия Магьачкъала шагьарны Киров районуна гиреген Чечен деген атавдагъы 1033 номерли сайлав участкада сайлавланы эрте оьтгерме ихтияр берген. Эсгерилген атавда 97 сайлавчу бар ва олар сайлавланы 24-нчю февральдан сонг оьтгережек.

Февраль айны ичинде Дагъыс­танны сайлав комиссиясыны ортакъчылары ерли сайлав комиссияланы председателлери, ор­нунбасарлары ва секретарлары булан уьйретив семинарлар оьтгерген.

Бары да сайлав участкаларда видеокамералар салынма ва сайлавчулар булан нечик ишлер юрютме герекни гьакъында да толу кюйде айтылгъан. Шо комиссиялагъа тарыкъ-герек маллар ва бары да гёрсетив алатлар берилген. Шолай да сайлавчу нечик тавуш берме гереклиги, гьар участка не ерде экени язылгъан, сайлавланы тергейгенлер, волонтёрлар не булан машгъул болма гереги эсгерилген.

14-нчю февральда гьар кандидатны ва партияны инангъан адамлары эфирге къачан ва нечеде чыгъажагъы, маълумат къуралларда материаллары къачан печат этилежеги гьакъда жыйын оьтгерилген. Президентге кандидатлар   Леонид Слуцкийни, Владислав Даванковну, Николай Харитоновну, Владимир Путинни ва Президентге кандидатланы инамлы адамлары РГВК «Дагестан» ва ГТРК «Дагестан»  деген телеканаллардан, шолай да  «Страна гор» «Радио России» ва «Вести ФМ» радиоканаллардан таба сёйлежек заманы да токъташдырылгъан. 17-нчи февральдан 7-нчи мартгъа ерли Дагъыс­танны 6 минг сайлав участкаларыны ортакъчылары адамланы арасында англатыв ишлер юрютежек ва оланы соравларына жаваплар бережек.

Сайлавлар Россияны 88 регионунда оьтгерилежек. Территория сайлав участкаланы санаву –  2775, участка комиссиялар – 89433. Шоланы ишин 8601 адам тергежек, сайлав участкаларда 327 481 адам ишлежек.

 

 Гебек КЪОНАКЪБИЕВ.

 

Авторизация
*
*
Регистрация
*
*
*
Согласны с условиями сайта?
Генерация пароля