Новолак районну Янгы Чуртах деген юртунда ерли 33 йыллыкъ жагьил адамны юртлуларыны арасында булай да абуру болмагъан. Ичкиге амракъ, адамшавлу бир ишни башын тутмагъан элбезген уру саялы туснакъда да туруп чыкъгъан.

 

Янгы йылгъы байрамны белгилемек учун огъар Хасавюртда турагъан къурдашы гелген болгъан. Ашав-ичив этме олтургъанлар. Гьаракъысы битгенде, дагъы да алмагъа акъчасы ёкъ саялы, хоншудагъы пенсионерни тонама токъташгъанлар. Гече ортада ону уьюне гирип 65 йыллыкъ эсли адамны ва ону агьлюсюн токъалагъанлар. Тонавчуланы къолуна 1 миллион 800 минг манат акъча ва 500 минг манатгъа токътайгъан алтынлар тюшген.

Жинаятчылар тутулгъан, олагъа къаршы уголовный ишлер ачылгъан.

 

Алав АЛИЕВ.