Къуллугъундан пайдаланып…

Магьачкъаладагъы Совет район судда Исламутдин Агъаевни уголовный ишине къаралгъан.

 

Судгъа ахтарывчулар бакъдыргъан материаллагъа гёре,  И.Агъаев  беш йылны узагъында «Жагьиллер учунгъу яшавлукъ-къурулуш программаны дирекциясына» ёлбашчылыкъ этген. Биринчи гюнлеринден тутуп, гертиденде жагьиллени масъалаларын чечегенни орнунда, бюджетден бакъдырылагъан акъчаны урлап тургъан. Дирекцияны баш бухгалтери булан сёйлешип, пачалыкъгъа 187 миллион манатны оьлчевюнде зарал гелтирген. Шо акъчагъа нече-нече янгы уьйленген агьлюлени яшавлукъ масъаласын чечме бажарылар эди.

Суд жинаятчыны 8 йылгъа эркинликден магьрюм этмек деген къарарны чыгъаргъан. Ондан къайры, огъар урлагъан чакъы акъчаны толу кюйде пачалыкъны ихтиярына къайтарма тюшежек. Туснакъ болжалын ол умуми низамы булангъы колонияда оьтгережек.

 

Алав АЛИЕВ.

 

Авторизация
*
*
Регистрация
*
*
*
Согласны с условиями сайта?
Генерация пароля