Дагъыстан Республиканы билим берив тармагъыны гьюрметли къуллукъчулары, педагогика загьматны ветеранлары! Сизин Муаллимлени гюню булан къутлайман!
Бугюнлерде белгиленеген байрам бизин уьлкени Президенти В. В. Путин билдирген Муаллимни ва насигьатчыны йылында олагъа гьакъ юрекден разилигибизни билдирме, тизив себеп болуп токътай. Бу чалт алышынагъан, кёп тюрлю алмашынывлар болуп турагъан дёвюрде, школада чалышагъан муаллим, насигьатчы гьисапда жагьил адамланы юреклерине ва гьакъылына намусну, ягьны ва алдында токътагъан борчну кютювню, оьзюню тамурларына аминликни, тувуп оьсген ерине бакъгъан якъдагъы жавапчылыкъны, Россияны якъламагъа гьазир турувну гьислерин сингдирип геле. Республикада 50 минге ювукъ дарс беривчю – этеген ишине герти кюйде къарны-гёнгю булан берилген, яшланы кёп сюеген, олардан не гючюн, не билимлерин къызгъанмайгъан сыйлы касбуну юрютеген адамлар загьмат тёге. Бизин муаллимлени кёплери оьр даражада оьтгерилеген касбу къаравларда оьрлюклеге етише. Оланы алдында билим алагъан яшлар буса бизде ва бютюнроссия ва халкъара олимпиадаларда, спортну гьар тюрлю жураларындан юрюлеген чемпионатларда, яратывчулукъ къаравларда, фестивалларда алдынлыкъ ала. Гьар йыл сайын ЕГЭ-ни лап оьр къыйматгъа берегенлени де санаву артып тербей. Артдагъы йылларда бизин регионда муаллим ва ону охувчусу оьзлени пагьмусун малим этмеге болар йимик шартлар яратылып геле – шагьар, олай да юрт школаланы биналары ярышдырылып янгыртыла, гьалиги талаплагъа жавап береген алатлар ва къураллар булан ясандырыла.
Шо саялы сизин касбугъузну абурун артдырмакъ учун бизин республиканы билим берив тармагъына бугюнлерде таман чакъы гюч де, акъча маялар да бакъдырыла.
Гьюрметли муаллимлер, мен кёп къыйын тёкме тюшеген оьзюгюзню алдыгъызда тарбияланагъан гьар яшгъа гюч де, заман да табагъаныгъыз, яратывчулукъ гёзден янашып, оьзюгюзню пагьмугъузгъа инанагъан касбучулар гьисапда къалагъаныгъыз саялы гьаригизге айрыча баракалламны билдирмеге сюемен. Сизге чыдамлыкъ ва яшав сынав булан бирге къыйын ишигизде уьстюнлюклер, олай да сизин хадиригизни билеген охувчуланы ёрайман!
Дагъыстан Республиканы Башчысы С. МЕЛИКОВ.
