Ишин урушбатдан башлагъан

Дагъыстанны Оьр судунда А. Альдеровну уголовный ишине къаралгъан.

 

Судгъа гелген материаллагъа гёре, ол 2022-нчи йылда «Ространснадзорну» Дагъыстан управлениесини башчысы этилип белгиленген болгъан. Янгы ерге гелгендокъ,  А. Альдеров управлениеде ишлейген 12 къуллукъчуну  гьарисинден 100 минг манат урушбатны талап этген. Сайки, берме сюймегенлени ишинден тайдыражакъ.  Шолай законсуз кюйде 1,2 миллион манатгъа байынгъан. Тек шо гьакъда аманлыкъ къоруйгъан къурумлар да билгенлер ва урушбатчыны тутгъанлар.

А. Альдеровну ишине башлап Магьачкъаланы Ленин район судунда къаралгъан. Суд ону 5 йылгъа эркинликден магьрюм этмек деген тёрени гесген. Тек ол ва ону якълавчулары район судну къарары булан рази болмай, Оьр судгъа арза берген. Оьр суд район судну къарарын гючде къойгъан. Жинаятчыгъа туснакъ болжалын къатты низамы булангъы колонияда оьтгермеге тюшежек.

 

Алав АЛИЕВ

 

Авторизация
*
*
Регистрация
*
*
*
Согласны с условиями сайта?
Генерация пароля