Февраль айны 10-нда Каспийскиде тай боксдан оьтгерилеген ярышлагъа Ростовдан гелген Анна Цомартова тас болгъан. А.Цомартова Ростовдагъы юридический институтну студенткасы.
Шо гюн ол оьзюню ябушувун утдургъанда, кисе телефонун да къоюп, Али Алиевни атындагъы спорт къаладан денгизге багъып баргъан. Шондан сонг ону бирев де гёрмеген. Ол утдургъан саялы бек талчыкъгъан деген ёравлар да бар.
Къызъяшны тас болувуна байлавлу уголовный иш ачылгъан. Аманлыкъны къоруйгъан къурумлар ахтарывланы юрютюп тура, водолазлар денгизни ичин тергейлер.
Аннаны атасы Николай Цомартов къызыны гьакъындагъы маълумат учун 1 миллион манат бермеге токъташгъан.
Алав АЛИЕВ
