Омск шагьарда спортну къолну гючюн сынав (армрестлинг) журасындан Россияны чемпионаты тамамлангъан. Оьтгерилген шо  ярышларда бизин уьлкени 50 регионундан 400-ден де  артыкъ спортчу ортакъчылыкъ этген.

Оланы арасында оьзюне 9 спортчу къуршалгъан Дагъыстанны жыйым командасы да болгъан.

Россияны ат къазангъан тренери Гьасан Алибеков  ёлбашчылыкъ этеген  бизин республиканы жыйым командасы чемпионатда гёрмекли уьстюн-люклеге етишген. Ачыкълашдырып айтгъанда, Равил Тагьирбеков (60 кило авурлукъда) ва Зураб Гьажиев (80 кило авурлукъда) чемпион атгъа лайыкълы болгъанлар. Магьамматвели Халиков (110 кило авурлукъда) гюмюш ва Рамидин Къазимагьамматов (100 кило авурлукъда) бронза медальны алгъан.

 

Насрулла БАЙБОЛАТОВ.