Буйрукъ болгъандокъ барма гьазир

Къумукъ уланлар хас асгер гьаракатда ортакъчылыкъ этеген кюйню гьакъында газетни гьар номеринде язабыз. Олар оьзлени борчун кютеген кюйню не игитлик учун савгъатлар алгъанны гьакъында хабарлама сюймейлер. Биз буса гьар гезик къысгъа болжалгъа отпуска алып гелген улан булан ёлукъма ва ону булан лакъыр­лашыв этме сюебиз.

 

Бир гюн Эндирейде хас асгер гьаракатны ортакъчысы Абдулмажит Магьамматов булан ёлукъма чола болду. Абдулмажит 1992-нчи йылда тувгъан, асгер къуллугъун кютген сонг, 2017-нчи йылда Росгвардия булан дыгъар язып, 46-нчы бригадада къуллукъ этип тура.

Россиягъа янгы къошулгъан регионланы хал­къыны аманлыгъын сакъламакъ учун оьтгерилеген хас асгер гьаракатда ортакъчылыкъ этме Абдулмажит Магьамматов къуллукъ этеген бригаданы 2022-нчи йыл ноябр айда йиберген.

– Бизин бригада башлап Херсон областда берилген тапшурувланы кютдю, сонг Севашда ва Макеевкада да болдукъ. Олар яхшы гьазирленгенни гёрдюк, тек бизге гёрсетилген тапшурувланы толу кюйде кютгенден сонг, алда ерлешген Грозный шагьарны тюбюне къайтдыкъ, – деп хабарлай А.Магьамматов. Ватанына гьалал къуллукъ этегени учун ол пачалыкъ савгъатлагъа да ес болгъан.

Абдулмажит агьлюсю де булан асгер бёлюкде яшай, эки яшы да бар. Агьлюсю башлапгъы класланы муаллими. Бугюнлерде бригада оьзюне гёрсетилген ишлени эте ва буйрукъ болгъандокъ, тапшурувланы кютме гьазир экенин билдире. Абдулмажит къоркъунчлукъда яшап турагъан Украина бойдагъыланы миллетчилерден азат этмек ва шо балагьдан къутгъармакъ учун гьазир экенин айта.

 

Бизин мухбирибиз.

 

 

Авторизация
*
*
Регистрация
*
*
*
Согласны с условиями сайта?
Генерация пароля