БИЛДИРЕ

Март айны 26-нда Магьачкъаладагъы танышларына Избербашдан гелген къонагъы 135 минг манатгъа токътайгъан алтын юзюкню урлагъан болгъан. Полицейскийлер гелгенде уручу юзюкню ютуп къойгъан.

* * *

Март айны 25-нде Магьачкъаланы къырыйындагъы Турали посёлокда гече вакъти 16 йыллыкъ яш атасыны машинин ихтиярсыз гьайдама алып, къарангъы орамда 24 йыллыкъ жагьил адамны уруп йыкъгъан. Ол гечге таба азарханада оьлген ва ич ишлер министерликни билдиривюне гёре Тажикистанны ватандашы болгъан.

* * *

Москвадагъы «Крокус Сити Холл» деген концерт залгъа жыйыл-гъанлагъа арасында дагъыстанлы къызардашлар Камила ва Ясмина Лугуевалар ва оланы анасы болгъан. Олар тютюнде бувулуп тахшагьарны клиникаларыны бирисинде ята. Врачлар айтгъан кюйде, оланы яшавуна къоркъунчлукъ ёкъ.

* * *

Март айны 21-нде  Аштархан-Магьачкъала ёлда бек чалт гелеген машин ёлдан чыгъып барагъан 13 йыллыкъ яшны ва ону баживюн уруп йыкъгъан. Хатабалагьны натижасында уланъяш шо ерде оьлген, къатынгиши авур яраланып, азарханагъа тюшген. Машинни гьайдавчусу эсирген болгъан.

* * *

Март айны 21-нде гюндюз вакъти, Магьачкъала — Оьр Гуниб ёлда жагьил адам машинин бек чалт гьайдап, ёлда сакълап болмай, ойтангъа авлангъан. Натижада, ону янында болгъан 60 йыллыкъ къатынгиши шо ерде оьлген.

 

Алав АЛИЕВ

 

Авторизация
*
*
Регистрация
*
*
*
Согласны с условиями сайта?
Генерация пароля