Алдагъы гюнлерде  Хасавюрт районну бары да  охув ожакъларында «Агьамиятлы лакъыр» деген проектни оьлчевюнде пикру алышдырыв оьтгерилген.

 

Эсгерилген шо гьаракатны  барышында оьр класларда билим алагъан  уланлар  ва къызлар жагьиллени  Бютюндюнья фес­тивалыны  айланасында лакъыр юрютген. Шо фестивальны агьамиятлыгъы гьакъында  оьзлени пикруларын айта туруп,  олар артдагъы вакътилерде тувулунгъан  шартланы гьисапгъа алгъанда, фестиваль савлай  дюньяда парахатлыкъны болдурувгъа болушлукъ этежегине инанагъанын билдирген. Шо гьакъда Хасавюрт районну билим берив  управлениесини Telegram-каналында  ерлешдирилген.

 

Бизин мухбирибиз.