Афгъанлыланы эсделигини алдында

Йыракъдагъы Афгъанистандан совет асгерлер чыкъгъанлы 35 йыл тамамланды.

Оьсюп гелеген яш наслуну патриот ругьда тарбиялавда тюрлю-тюрлю дав агьвалатларда ортакъчылыкъ этгенлени гьаракаты гёрмекли.

 

Айтагъаным, охув ожакъларда афгъан давну ортакъчылары булангъы ёлугъувлар да къужурлу ва жанлы кюйде оьтгериле.

Афгъанлыланы эделигине салынгъан бавдагъы мемориал савлай Дагъыстанда  чинк де арив ва мукъаятлы къурулгъан демеге ярай.  Мунда Афгъанистанда жанын къурбан этгенлерден 11 жагьил адамны сураты салынгъан. Лап да орталыкъда Россияны Игити Нугьутдин Гьажиевни сураты ерлешген. Ону онг ягъында огъар тийип, юртлум шавхалянгыюртлу афгъанлы Алхан Къапаровну сураты эсделикни безей. Сол янда буса чонтавуллу Ибайдулла Гьимбатовну сураты бар.

Афгъан дав агьвалатгъа биринчилерден болуп гиргенлерден эндирейли Къанболат Салавов ва башгъа вакътиде йыракъдагъы Афгъанистанда юрюлген дав агьвалатларда ортакъчылыкъ этгенлерден Къызылюрт шагьардан Руслан Батыраев, солтанянгыюртлулар Муса Аскерханов, Абдулкъадыр Абукъов, Абдулла Абдурагь-манов тотурбийкъалалы Рашит Магьамматов, чонтавуллулардан Къонакъбий Гьажиев, Сахай Сахаев, хасавюртлу Ибрагьим Темирханов, запасдагъы подполковник чинындагъы шавхалянгыюртлу Агьмат Гьюсейнов ва оьзгелери бугюн де бюдюремей,  ал сыдрада токътагъан.

Афгъан топурагъында интернационал борчун кютгенлени гьюрметине салынгъан эсделикге мунда жыйылгъанлар гюллер салдылар ва чараны ахырында эсделикге сурат алдырдылар.

 

Алибек САЛАВАТОВ.

 

Авторизация
*
*
Регистрация
*
*
*
Согласны с условиями сайта?
Генерация пароля