Дагъыстанны шагьарларында «Таза уьлке» деген айлана якъны таза сакъламакъ учунгъу муниципал программаны яшавгъа чыгъарма гиришежек. Шо гьакъда проектни бизде ёрукълашдырагъан Арслан Сайпуллаев айтгъан. Ону сёзлерине гёре, шо ишге оьлчевюндеги депутатлар ва башгъа экспертлер де къуршалажакъ.
Ол айтгъан кюйде, тазалыкъны программасын сакълав гьаракатчы яшёрюмлеге ва жамият бирлешивлеге хас болма герек. «Бирикген Россия» деген партияны буса шо ишде яхшы сынаву бар деп гьисаплана.
А.Сайпуллаев айтгъан кюйде, къалды-къулдуланы тазалавну ёрукъгъа салмакъ Дагъыстан учун агьамиятлы. Неге тюгюл де, артдагъы 10-15 йылны ичинде республикада бир сама чёплюклени ишлетеген имарат къурулмагъан. «Амма тазалыкъны сакълавну» программасында айтылагъан кюйде, регион операторланы, олай да инвесторланы янындан харж чыгъармай чечме бажарыла.
Къалды-къулдуланы ишлетивге байлавлу Челябинскиде оьтгерилеген федерал форумунда 600 касбучу ортакъчылыкъ этежек деп гёз алгъа тутула. Оланы арасында партпроектни регион координаторлары, ерлерде ёрукълашдырагъанлар, депутатлар, гёнгюллю гьаракатны, жамиятны, экологланы вакиллери де ортакъчылыкъ этежек.
Бизин маълумат.
