Дагъыстан Республиканы загьмат ва социал оьсюв министри Изумрут Мугьутдинова Владимир Васильевни Чакъырывуну гьакъында оьзюню пикруларын айта туруп, регионну Башчысы Дагъыстанны социал оьсювюню аслу ёлларын белгилеген деп эсгерген.

      «Дагъыстан Республиканы Башчысы оьзюню Чакъырывунда биринчи даражалы сакъатланы ва сакъат яшланы сакълайгъан агьлюлени яшавлукъ уьйлер булан таъмин этмек учун бу йылны бюджетинден таба 300 миллион манат гёрсетилме герекни англатды. Шолайлагъа 10 йыл бою тёлеп турма болагъан кюйде ипотека кредит акъчалар да берилердей имканлыкълар къаравуллана», – деп айтгъан Изумрут Мугьутдинова.

Ол дагъы да эсгерген кюйде, буссагьатгъы вакъти федерал кёмекден де пайдаланып бола. Къайтара субсидия алма имканлыкъ бар (Ана капиталны къадарында 453 минг манат), уьч ва кёп яшлары барлар бирдагъы федерал енгилликлени де ала. Федерал бюджетден гелеген шо харжны къадары – 450 минг манат. Ону булан ипотека борчну тёлеме де ярай.