Дагъыстан Республиканы экономика ва территория оьсювюню министри Осман Хасболатов айтгъан кюйде, Чакъырывунда регионну Башчысы 2019-нчу йылда республика инвестиция программагъа гёрсетилеген акъча маялар артгъанны гьакъында билдирген.
«Шо буса школалар, яшлар бавлары, савлукъ сакълав идаралар кёп къурулажакъны англата. Сув булан таъмин этмекни масъалаларын яшавгъа чыгъармакъ учун да гёрсетилеген харж маялары артгъан. Адамланы къошум акъчаларын ва алапаларын да артдырма гёз алгъа тутула.
Чакъырывда агропромышленный комплексни умпагьатлыгъы да эсгериле. Республикада яшайгъанланы юрт хозяйство маллар булан таъмин этмек учун о тармакъны асувлугъун гётерме тюше. Гьайван этни оьзге республикалагъа сатма да, топуракъланы сугъарыв масъалаланы чечме де, оьзге тюрлю гьаракат юрютме де тарыкъ. Бизин ишибизде шолагъа аслу агьамият берме герекбиз», – деп англатыв берген Осман Хасболатов.
Министр бирдагъы эсгерген кюйде, спортну адатлангъан къайдаларын дагъы да оьсдюрмек учун да биналар къурулажакъ.
