Идараны директору Марат Ханбалаев англатгъан кюйде, яшлагъа гележекде этилеген къуллукъ дагъы да камиллешежек, янгы хас алатлар алынгъан ва ювукъ арада ишге гийирилежек.
«Надежда» деген центрдагъы савлугъу осал яшлар, ата-аналар жыйылгъан залда оьзюню янындан сёз айта туруп, Р.Абдулатипов булай деп эсгерген: «Мен сакъат деген сёзню маънасын толу кюйде къабул этмеймен. Адамда аслу зат, ону ругь байлыгъы. Эгер де адамны къаркъарасында гюч, къуват аз буса, ону ругь байлыгъыны дазулары ёкъдур. Булай центрлар сакъат яшлар учун бек пайдалы. Шоланы имканлыкъларын гележекде де артдырма тарыкъ».
Бизин мухбирибиз.
