Балыкъ консервалар кёп болдурулажакъ

Балыкъ консервалар кёп болдурулажакъ

       Алдындагъы гюнлер Дагъыс­танны табиатгъа къарайгъан министерлигини ёлбашчысы Набиюлла Къарачаев томат булан ярашдырылып гьазирленген балыкъ консерваны сан янына рази къалгъан. Шолай консервалар энни «Янтарное» деген къурумну цехлеринде болдурулгъан.


Бу консервалар алда совет замандагъы йимик ёрукъда ерли балыкълардан этиле. Шо саялы ону татыву алда чыгъарылагъан консервалар йимик арив. Мунда бара-бара томат булан къатнашдырылгъан сазандан да, маринад къайдалы сельдден де, май булан барышдырылгъан килькадан да консервалар чыгъарылажакъ.


Жыйынны барышында килька консерваны татыву ким де ушатар йимик яхшы экени, республикада балыкъчылыкъ хозяйствону комплексин оьсдюрювге табиат минис­терлиги айрыча бек агьамият берип янашажагъы гьа­къында айтылгъан.


«2020-нчы йыл бизин алдыбызгъа салынгъан борч – кёп тюрлю къайдаларда ишлетип сурсатлар чыгъарагъан кюйню этмек. Гележекде балыкъ консервалар этеген уллу ва мугькам заводланы къурмагъа, балыкъ къатыкъланы жураларын кёп этмеге белсенгенбиз. Оьз гезигинде буса шолар 1500-ге ювукъ иш ерлер болдурмагъа, республиканы экономикасына 3 миллиард манатгъа ювукъ инвестиция акъчаланы яратмагъа имканлыкълар бережек», – деди Н.Къарачаев.

 

 

Бизин маълумат.