Арпа, будай орулду

11 июля 2014 в 10:11 1015
Прочту позже
Арпа, будай орулду

Биз райондагъы юрт хозяйство управлениени начальнигини борчларын заманлыкъгъа кютеген Загьидат Абдулмежитова ва шо управлениени къуллукъчусу Гьасанхан Абдурагьимов будай ашлыгъы орулуп турагъан авлакъгъа баргъан заманда, «Темирханов К. Т.» деген фермер хозяйствону ёлбашчысы Къайырхан Темирханов 65 гектар ердеги будайын къайтарып тура эди. Будай оруп турагъан комбайнланы бункерлери ашлыкъдан толуп токътагъан. Арадан аз да гетмей, гьазир будайны алмагъа эки «Камаз» машин гелди.

Будайгъа нечакъы бола буса да арив къуллукъ этгени гёрюне. Будайлыкъны ичинде бир чёп де къалма­гъан. Тек нетерсен, будайбашлар бек ач. Язбашгъы къургъакълыкъ будайбашны къысгъаны билинип тура.

Язбашны къургъакъ гелгенине де къарамайлы, Къайырхан айтагъан кюйде, гектардан 2 тонгъа ювукъ будай къайтарыла. Будайы, арпасы орулгъан авлакъланы, бир гюнге де артгъа салмайлы, саламы къысылып алына. Салам да, гьайванлагъа берсе де, башгъа къуллукълагъа къолласа да – фермер учун къошум гьакъ, гелим.

Шолай да, будайларын, арпаларын Жакъай Саметов ва  Темирболат Айболатов да тас этивсюз къайтармагъа болдулар.

 

 

Ж. ЗАКАВОВ.

СУРАТДА: Къ. Темирхановну участкасында

 будайны къайтарагъан вакъти.