Топуракъ масъалагъа къаралгъан


         Къарабудагъгент районну дазуларында ерлешген гёчювюл гьайванчылыкъны топуракъларыны масъалаларына районну башчысыны кабинетинде юрт хозяйство министерликни управлениесини начальниги Абузагьир Гюсейновну, топуракъ ва мал-матагь министрни заместители Гьабил Жанаевни, районну башчысы Магьмут Амиралиевни ва районну юрт хозяйство управлениесини начальниги М.Мустапаевни ортакъчылыгъы булан къаралгъан.



М.Амиралиев анг­латгъан кюйде гюнлюк низамгъа гёчювюл гьайванчылыкъ топуракъланы тийишли кюйде къоллав ва гьайванланы районну дазусундан оьтювюню ёлларын алышдырывну, белгилевню масъалалары салынгъан.


Районда топуракъ ва мал-матагь масъалалагъа къарайгъан бёлюкню начальниги С.Халилов берген маълуматгъа гёре гёчювюл гьайванчылыкъ топуракъланы оьлчевю 3083 гектаргъа етише. Шо топуракълар тийишли кюйде къолланмай. Неге тюгюл, шо топуракъларда керпич заводлар этгенлер, яшавлукъ уьйлер ишлегенлер бар.


А.Гюсейнов оьзюню сёйлевюнде бу топуракъларда бирдокъда уьй къурулушлар ва оьзге имаратлар тизме ярамайгъанны айтгъан. Гь.Жанаев де район администрация гётерген бу масъаланы тезликде чечме герекни ва оьзлени янындан болагъан кёмекни этежегин билдирген.


М.Амиралиев жыйында гётерилген масъалаланы ва олагъа берилген таклифлени жамын чыгъара туруп, эки жуманы ичинде тийишли чаралар гёрмекни тапшургъан.

Авторизация
*
*
Регистрация
*
*
*
Согласны с условиями сайта?
Генерация пароля