Далапчылар иштагьландырылгъан

Далапчылар иштагьландырылгъан



         Къызылюрт районну башчысы Магьаммат Шабанов далапчылыкъ тармакъда республика оьлчевюнде лайыкълы сынав топлагъан касбучу ва ёлбашчы гьисапда белгили. Бугюнлерде де ону сиптечилиги булан оьз районунда далапчылыкъ тармакъдагъы гьаракатны гючлендирмек муратда гьар тюрлю ярышлар, конкурслар оьтгерилегени тергевню тартмай болмай.


Артдагъы гюнлерде районда гьар тюрлю тармакъларда алдынлы ерлеге ес болгъан далапчы тайпалар материал ва ругь якъдан иштагьландырылгъан.


«Ёрукъгъа тюшген бизнес», «Бизнесни бийкеси» ва шолай да «Сатыв-алыв тармакъны устасы» деген тармакъларда алдынлы ерлеге ес болгъан Али Магьамматовгъа, Айшат Муталимовагъа ва Билал Магьамматовгъа гьарисине Гьюрметлев грамота ва 15-шер минг манат акъча савгъат тапшурулгъан.


Бажарывлу далапчылагъа савгъатланы район администрацияны инвестиция ва далапчылыкъ бёлюгюню масъалаларына къарайгъан начальниги Абдулатип Гьажиев тапшургъан.


Районну прес-къуллугъу билдире.