Республиканская еженедельная общественно-
политическая газета «Ёлдаш» (Спутник)
Меню YOLDASH.news МаълуматларКъайгъырыш КъутлавларDAG.newsНовостиИнтервьюАнонс книгIn memoriamГод культуры безопасности "Времена"ИнфоблокПолитикаИсторияКультураЛюди и время НаукаАчыкъ сёзАналитикаЖамиятПолитика.ЭкономикаБаянлыкъДин ва яшавЖамият низамИлмуTürk dünyasi Савлукъ ЭкологияЮртлар ва юртлуларЯшёрюмлер МаълуматАнтитеррорБирев де унутулмагъан...СапарМаданиятАдабиятКультура ожакъларБилимИнчесаният Къумукъ тилМасхараларТеатрЯшланы дюньясы Спорт ярышларЕдиноборства Развитие спортаСоревнованияФК «Анжи» МедиасфераО газетеО сайтеСМИВнимание! Конкурсы!Наши партнерыНаши спонсорыСотрудникиАвторыАфишаГалереяРекламаЮбилейный номер
Республиканская еженедельная общественно-
политическая газета «Ёлдаш» (Спутник)
Бизинкилер алтын медалларсыз къалып тура

Бизинкилер алтын медалларсыз къалып тура



  Белгили экени йимик, февраль айны 9-нда Къыбла Кореядагъы  Пхенчхан  шагьарда гезикли XXIII къышлыкъ Олимпия оюнлар башланды. Шонда 92 уьлкеден гелген спортчулар бир-бири булан спортну къышлыкъ жураларындан тогъатарталар.

Ачыкълашдырып айтгъанда, 16 гюнню узагъында юрюлеген ярышларда спортчулар, умуми кюйде алгъанда, 102 алтын, гюмюш ва бронза медальгъа ес болмакъ учун тогъатартажакъ. Чинкдеси, дюнья оьлчевюнде инг агьамиятлы гьисапланагъан дёрт йылда бир керен юрюлеген шо Оюнланы барышында олар спортну 7  журасындан оьтгерилежек 15 тюрлю ярышларда усталыгъын ва бажарывлугъун малим этип, оьзлени атларын данггъа чыгъармакъны къастын этежек. 


Олимпиадада биринчилей


Къыбла Кореяда юрюлеген Олимпия оюнларда 6 уьлкеден, демек, Косово Республикадан, Малайзиядан, Нигериядан, Син­гапурдан, Эквадордан ва Эритреядан гелген спортчулар биринчилей ортакъчылыкъ этежек. Шолай да, бир гьавур ара бёлгенден сонг Олимпия оюнларда Боливияны, Гананы, Кенияны, Колумбияны, КНДР-ни, Мадагаскарны, Пуэрто-Рикону ва ЮАР-ны жыйым командалары къайтып ортакъчылыкъ этежек.


Шондан къайры да, Халкъара Олимпия комитети 2014-нчю йылда Сочиде оьтгерилген Оюнлар булан тенглешдиргенде, оьзлерден ярышлар юрюлежек спортну янгы алты журасын къошгъан. Шо гьакъдагъы къарарны эсгерилген комитетни исполкому Лозанна шагьарда 2015-нчи йылны июн айыны 8-нде оьтгерилген генгешинде къабул этген. 


Россиялы спортчулар къыйыкъсытыла


Бугюнлерде юрюлеген Олимпия оюнларда россиялы спортчулар Халкъара Олимпия комитетини байрагъыны тюбюнде ортакъчылыкъ эте. Шо да оьрде эсгерилген къурум 2017-нчи йылны декабр айны 5-нде Россияны жыйым командасын Олимпия оюнларда ортакъчылыкъ этивю гери урулагъаны гьакъда къабул этген къарары булан байлавлу. Шо Оюнларда ортакъчылыкъ этеген бизин спортчулагъа да янгыз Россиядан гелгенлер деп айтылып къала. Оьзлер къазангъан медаллар булан савгъатланагъанда да, оланы гьюрметине Олимпия гимн согъула. Шондан къайры да, Олимпия оюнлагъа Россияны Олимпия комитетини не де спорт министерлигини гьеч бир жаваплы къуллукъчусу да ортакъчылыкъ этмеге болмай. Шолай, къаркъарасыны къуватын артдырмакъ учун гьар тюрлю дарманлар булан пайдалангъан деп гьызарлангъан спортчуланы тренерлери ва врачлары ортакъчылыкъ этмеге болмай.


Шону булан бирге, Олимпия оюнларда ортакъчылыкъ этивю гери урулагъан россиялы спортчуланы арасында къаркъарасыны къуватын артдырмакъ учун гьар тюрлю дарманланы къоллагъангъа бир де шеклик этилмегенлери де бар. Олардан 47-вю Олимпия оюнланы алдында Спорт арбитраж судуна (CAS) оьзлени разисизлигин билдирген. Тек эсгерилген суд оланы арзына къулакъасып, гьакъыкъат­гъа къыйышагъан гьукму къабул этмеген.  Шолайлыкъда,  янгыз уьлкени оьлчевюнде тюгюл, дюнья даражадагъы ярышларда да  макътавгъа  лайыкълы кюйде гёрмекли оьр­люклеге  етишип гелеген бизин спортчуларыбыз  гьар заманда да парахатлыкъны ва дослукъну белгиси гьисапланып гелген Олимпия оюнларда  оьзлени сынамагъа болмай къалды.


 Айтагъаным, Олимпия оюнларда бизин айтылгъан, гьар тюрлю ярышларда да чыныкъгъан спортчуларыбыз ортакъчылыкъ этмей. Олимпия оюнларда ортакъчылыкъ этеген россиялы спортчулар къолда этген оьр­люклер де шону герти кюйде исбатлай. Сизин тергевюгюзге берилген макъала газетге гьазирленип турагъан гюн, февраль айны 15-не, бизин спортчулар 1гюмюш, 4 бронза медаль къазангъан. Демек, бизинкилер гьалиге ерли алтын медалларсыз къалып тура. Медалланы санавун гьисапгъа алгъанда да, бизин уьлке  буссагьатгъы вакътиде 14-нчю ерде токъта­гъан.  Оьрде айтылгъан Олимпия оюнланы алдында болуп гетген агьвалатланы гьисапгъа алгъанда, шону себеплери оьзлюгюнден англашылып къала. Бизин спортчулар къазангъан  гьар медаль да, бир де къопдурувсуз айтгъанда , таза сом алтынгъа тенгдир.



Количество показов: 357
16.02.2018 14:15

Возврат к списку









AlfaSystems massmedia K3FN2SA
Рейтинг@Mail.ru Яндекс.Метрика Бесплатный анализ сайта